RFL
Kigali

Euro 2020: Umutoza Southgate avuga iki ku ntego y’u Bwongereza muri iri rushanwa rigeze aho rukomeye?

Yanditswe na: SAFARI Garcon
Taliki:5/07/2021 9:08
0


Umutoza w’ikipe y’igihugu y’u Bwongereza, Gareth Southgate, avuga ko iki gihugu kitagiye kugarukira muri 1/2 cya Euro 2020 nyuma yo kunyagira Ukraine mu mukino wa ¼, ahubwo ko intego binjiranye muri iri rushanwa ku munsi wa mbere ariyo bagitsimbarayeho yo kwegukana igikombe.



Ibitego 4-0 mu mukino wabereye i Roma mu Butaliyani ku wa Gatandatu, bivuze ko iki gihugu cyateye intambwe ikomeye ibaganisha ku gikombe cy’uyu mwaka.

Ubwongereza bwaherukaga kugera mu mikino ya ½ mu marushanwa akomeye ku ruhando mpuzamahanga mu gikombe cy'Isi cyo mu 2018 mu Burusiya aho bageze muri 1/2, ndetse no mu irushanwa rya Nations League mu 2019.

Mu kiganiro yagiranye na BBC, Southgate yagize ati: "Birarenze".

"Ntekereza ko ngikomeje kubyiyumvisha ko ari ikindi kimwe cya kabiri tugezemo - inshuro eshatu mu myaka itatu".

"Turashaka gutera izindi ntambwe ebyiri".

Intsinzi y'u Bwongereza i Roma yatumye bugera ku mukino wa gatatu wa kimwe cya kabiri mu irushanwa rya Euro, nyuma yo mu 1968 no mu 1996, muri uyu mwaka wa 1996 na bwo bukaba bwarakiniye uwo mukino mu Bwongereza.

Bugeze muri iki cyiciro nyuma kandi yo gusezera u Budage muri kimwe cy'umunani.

Southgate yakomeje agira ati: "Birarenze ku gihugu cyacu - kimwe cya kabiri i Wembley".

"Buri muntu wese ashobora kubyitega n'amashyushyu menshi - ni byiza cyane".

"Ndabizi ibiba birimo kuba imuhira. Ni byiza kubona umuntu wese ku wa gatandatu nijoro, afite inzoga mu ntoki. Bakwiye kubyishimira. Wabaye umwaka muremure kuri buri wese".

"Ndishimye cyane kubona imikino ibiri [n'u Budage na Ukraine] yarazaniye abantu ibyishimo byinshi cyane".

U Bwongereza buzahura na Denmark muri kimwe cya kabiri mu mukino uzabera i Wembley ku wa gatatu. Ikipe izatsinda izahura na Espagne cyangwa u Butaliyani (ku mukino wa nyuma) - aya makipe yo azakina ku wa kabiri, na yo i Wembley.

U Bwongereza bwageze muri 1/2 bunyahiye Ukraine 4-0

Umutoza Southgate avuga ko intego y'iki gihugu ari ukwegukana igikombe





TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND