Indirimbo 'Away' ya Ariel Wayz na Juno Kizigenza yashyiriweho igihembo gikomeye na Malik umukunzi wa Nadia ukora kuri RBA

Mu butumwa yanyujije ahashyirwa ubutumwa bumara amasaha 24 (Instagram Story) yamenyeshyeje Ariel Wayz na Juno Kizigenza bwagiraga buti "Nimurebe iyi ndirimbo yuzuze 1M bitarenze 18 z'uku kwezi. Nzishyura iyindi collabo y'iyi mpano idasanzwe.’’

Malik Shaffy yemereye Ariel Wayz na Juno Kizigenza indi ndirimbo bafatanyije Away niyuzuza Miliyoni mbere ya tariki 18 Nyakanga

Nyuma y’ubwo butumwa ba nyir'ubwite bose yaba Ariel Wayz na Juno Kizigenza babyishimiye cyane maze Ariel Wayz ajya ahandikirwa ubutumwa abwira abakunzi be ati ’’Twagiye’’ na mugenzi we Juno Kizigenza agaragaza ibyishimo abushyiraho

Mu gushaka kumenya amakuru niba koko ibyo Malik Shaffy yavuze azabikora iyi ndirimbo Away niramuka yujuje Miliyoni, mu kiganiro yahaye Inyarwanda yemeje aya makuru ndetse avuga n’impamvu yabimuteye.

Malik Shaffy na Nadia baherutse gusezerana imbere y'amategeko

Yagize ati ’’Impamvu ni uko nkunda umuziki w'abanyarwanda maze igihe nywukurikirana. Rero bakoze akazi keza mbona bakoranye izindi collabo byagira umumaro.’’ Gusa Malik yavuze ko niramuka itayujuje nta kundi gusa nibabikora nawe azabikora, ati ’’Ni challenge gusa nshaka guha abanyarwanda nta kindi, nibabikora nanjye nzabikora.’’

Malik Shaffy na Nadia baritegura kurushinga vuba

'Away' ni indirimbo imaze icyumweru isohotse, imaze kurebwa n’abarenga ibihumbi 650 kuri Youtube. Iyi ndirimbo iriho ibitekerezo birenga 1400 byiganjemo cyane abakunze iyi ndirimbo mu buryo budasanzwe.

Ariel Wayz yasabye abantu kureba no gusangiza indirimbo ye Away kugira ngo yuzuze Miliyoni mbere y'itariki 18 Nyakanga 2021

Juno Kizigenza nawe yunze mu rya Ariel Wayz asaba abantu kuyireba no kuyisangiza benshi

KANDA HANO UHE AMAHIRWE INDIRIMBO 'AWAY' YA ARIEL WAYZ NA JUNO KIZIGENZA YUZUZE MILIYONI