Ubuyobozi bw’ikipe ya AS Vita Club yo muri Repubulika Iharanira Demokarasi ya Congo, bwatangaje ko bwatandukanye n’uwari umutoza mukuru w’iyi kipe Florent Ibenge, nyuma y’imyaka irindwi atoza iyi kipe.
AS Vita Club ibinyujije ku rukuta rwayo rwa Twitter, yatangaje ko yamaze gutandukana n’umutoza Florent Ibenge, wari uyimazemo imyaka irindwi, ndetse banamushimira ibyo yakoreye iyi kipe byose.
Nubwo batatangaje impamvu nyamukuru yatumye batandukana n’uyu mutoza wanatoje ikipe y’igihugu nkuru ya DR Congo, biravugwa ko umusaruro warimo ugenda ukendera gahoro gahoro ndetse bamwe mu bayobozi b’ikipe n’abafana bari batangiye kumwijojotera.
Mu myaka 7 Ibenge yamaze muri Vita Club nk’umutoza mukuru, yafashije iyi kipe kwegukana ibikombe bibiri bya shampiyona ya Congo mu 2015 na 2018, igikombe cya Supercoupe de la RD Congo mu 2015, ndetse anayigeza ku mukino wa nyuma wa CAF Champions League mu 2014.
Uyu mutoza w'imyaka 59 y'amavuko kandi yatowe inshuro ebyiri nk’umutoza w’umwaka ku mugabane wa Afurika.
Ntabwo iyi kipe iratangaza umusimbura wa Ibenge watandukanye na Vita Club kuri uyu wa Gatatu tariki ya 30 Kamena 2021.
Eng
RSS 
Ibenge yatandukanye na AS Vita Club nyuma y'imyaka 7 ayitoza
TANGA IGITECYEREZO