RFL
Kigali

Rayon Sports yongeye kunganya na Police FC

Yanditswe na: ISHIMWE Olivier Ba
Taliki:10/06/2021 15:45
0


Kuri uyu wa Kane tariki 10 Kemana 2021 Police FC na Rayon Sports zongeye gucakirana mu mukino wo ku munsi wa 3 wa shampiyona, ku kibuga APR FC yari imaze gutsindiramo Bugesera FC ibitego 3:0. Ni umukino warangiye Rayon Sports na Police FC zinganyije igitego 1:1.



KURIKIRA UKO UYU MUKINO WAGENZE UMUNOTA KU WUNDI

94' Umukino wahuzaga ikipe ya Police na Rayon Sports urangiye ari igitego kimwe kuri kimwe, amakipe yongera kunganya mu mukino wa kabiri wikurikiranya wa shampiyona hagati y'amakipe yombi.

92' Rayon sports isimbuke Sugira Ernest hinjira Prince.

90' Umusifuzi yongeyeho iminota 4 igomba gutandukanya aya makipe akinganya igitego kimwe kuri kimwe.

84' Koroneri ya Rayon sports itewe na Sekamana ariko umupira awutera hanze.

80' Biracyari igitego kimwe kuri kimwe, ibitego byose byabonetse mu gice cya mbere

78' Amakipe yombi ari kwatakana cyane bava ku izamu ry'ikipe imwe bajya ku rindi

75' Sekamana Maxime asigaranye n'umuzamu ateye umupira ujya mu maguru y'umusamu bwari uburyo bwiza.

70 Koroneri ya Police itewe na Sibomana Patrick habura umuntu ushyiraho umutwe.

68' Sibomana Patrick yamuruye izamu ari imbere y'izamu wenyine. Ubu amakipe yombi ari gushaka uko yabona igitego cya 2 ariko igisubizo kigana mu izamu kikabura

60' Kufura yari itewe na Luvumbu umupira uca ku ruhande.

58' Kufura ya Rayon sports ku ikosa rikorewe Luvumbu inyuma y'urubuga rw'amahina meza neza.

55' Rayon sports ihushije igitego cyari cyabazwe umupira uzamukanywe na Luvumbu apasa Sugira Ernest na we winjiranye umupira ariko yipasa muremure gahungu arawumutanga

50' Koroneri ya Rayon Sports itewe na Luvumbu ariko umupira urengera ku rundi ruhande.

48' Sugira Ernest azamukanye umupira ariko abura icyo awukoresha kuko ateye agapira gato cyane gaciye imbere y'izamu gatamba tamba.

45 Reka twongere tubahe ikaze mu gice cya 2 hagati ya Police na Rayon Sports wibuka ko amakipe yombi yashoje igice cya mbere ari igitego kimwe kuri kimwe.

45+4' Goalllllllllllll igitego cya mbere cya Rayon Sports gitsinzwe na Luvumbu kuri penariti igice cya mbere gihise kirangira ari igitego kimwe kuri kimwe ku mpande zombi.

45+3' Penariti ya Rayon Sports ku ikosa rya Myugariro wa Police ufashe umupira mu rubuga rw'amahina

45' Umusifuzi yongeyeho iminota 4 kubera ukuntu umukino wagiye uhagarara. Mico Justin na we akaba ahagurutse agiye kwishyushya.

39' Nshuti Savio asimbuye Ntwari Evode wagize ikibazo cy'imvune. Evode watangiye akina neza avuye mu kibuga acumba bishoboke ko azamara iminsi hanze.

34' Umukino watangiye kugenza macye, amakipe yombi ari gukinira mu kibuga hagati. Ntwari Evode aryamye mu kibuga na Iyabivuze ubona ko bababaye.

25' Koroneri ya Rayon Sports itagize icyo itanga. Police FC iri hejuru cyane by'umwihariko Sibomana Patrick na Martin Fabrice bagoye abakinnyi b'inyuma ba Rayon Sports.

22' Goallllllllll Kiyovu Sport ibonye igitego cya mbere ku mupira uzamukiye mu ruhande rw'iburyo, umupira uterwa neza cyane na Sibomana Patrick uruhukira mu rucundura.

16' Police FC iri guhererekanya neza gusa, imikino yayo myinshi itangira neza ariko nyuma bikaza kwanga. Ni ukureba uko biza kurangira kuri uyu munsi

12' Nshuti Savio azamukanye umupira neza ahereza Radu na we akase umupira habura umuntu uwutereka mu izamu.

8' Rayon Sports ibonye uburyo bwiza kuri Kufura itewe na Luvumbu ariko umupira ujya ku ruhande.

5' Rayon Sports itangiranye urwego rwo hejuru ubona ko Ciza Hussain ari kuzenguruka ikibuga cyose

1' Tubahaye ikaze mwese muri mu bice bitandukanye by'isi, InyaRwanda ubu iri i Bugesera ahatangiye umukino uri guhuza Police ari nayo yatangije umukino, ikaba ishaka gutahana amanota 3.

Rayon Sports imaze gutsinda Police 2 itsindwa 1 banganya kabiri umukino uheruka wa shampiyona Aya makipe yombi yanganyije 0-0.

Abakinnyi Police yabanjemo Gahungu Habarurema, Usengimana Faustin, Ndizeye Gadi, Mousa Omar, Iradukunda Eric, Nduwayo Valeur, Ntwari Evode, Ntirushwa Aime, Twizeyumana Martin Fabrice, Utabivuze Osee na Sibomana Patrick.

Ku ruhande rwa Rayon Sports, Hakizimana, Rugwiro Ndizeye Samuel,Mujyamana Fidele, Niyigena Clement, Vital Ourega, Nishimwe Blaise, Luvumbu, Mambote Giza Hussein na Sugira Ernest.







TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND