RFL
Kigali

Ibintu 7 umukobwa yitaho kureba ko ufite igihe abona umushaka

Yanditswe na: Nadia Kangabe
Taliki:10/06/2021 11:26
1

Iyo umusore yegereye umukobwa bigaragara ko ashaka kumutereta cyangwa amushakaho urukundo hari ibintu we ahita yitaho kureba niba ubifite birimo kuba aseka neza, afite igihagararo ndetse n’ibindi. Iyo asanze udafite ibi bintu biragoranye ko yaguha urukundo.



Ubu busesenguzi yihutira gukora mu minota mike abakobwa n’abagore benshi babuhuriyeho. Ntabwo butwara igihe kinini akwigaho ahubwo bifata igihe gito gishoboka. Ibi bintu bikurikira abakobwa n’abagore babyitaho iyo muhuye akabona ko hari icyo umushakaho:

1.Imiterere y’umubiri wawe

Imiterere y’umubiri wawe iba ivuze ikintu kinini kuri we. Abakobwa n’abagore benshi bakunda umusore wubatse umubiri. Bityo rero iyo muhuye yita kureba ibiro byawe n’ingano yawe.

2.Isura

Iki ni igice abakobwa n’abagore bakunda kwitaho. Iyo abonye ufite mu maso hakurura atangira kukwiyumvamo kabone n’ubwo waba uri muto muto. Iyo abonye ufite mu maso hagaragara nabi kukwiyumvamo biva kure. Mu bintu yitaho kureba mu maso harimo ubwanwa, amaso, umusatsi, umunwa n'ibindi.

3.Uko ugaragara

Hano harimo uko wifata, uko ukora umusatsi, imigaragarire yawe muri rusange. Hano kandi n’imyambarire nayo ayitaho cyane.

4.Icyizere

Ucyivuga ijambo rya mbere riba rihagije guhita icyizere wifitiye kigaragara. Buri mukobwa cyangwa umugore akururwa n’icyizere yakubonyemo.

5. Ibiganiro

Igihe utagira ibiganiro ngo abyishimire kukwiyumvamo biba biri kure kabone n’ubwo yaba yanyuzwe na bimwe byavuzwe ruguru. Nta mukobwa cyangwa umugore wifuza ikintu kimubangamiye.

6.Gusetsa

Abakobwa bakunda umuntu ubaganiriza bakishima. Igihe ugira ibiganiro ushobora kumusetsa biroroha kwigarurira umutima we.

7.Inseko

Uburyo useka kuri we abona koko niba uri umwizerwa cyangwa uri indyarya. Iyo akubonamo ko wakwizerwa byoroha kukwiyegurira. 

Wowe wibwiraga ko umukobwa cyangwa umugore afata igihe kinini akwigaho siko bimeze ahubwo atangira bwa mbere mugihura. Ibi rero bikaba byafasha umusore ugiye kwinjira cyangwa ugiye gushaka umubano n’uko wakwitwararika imbere y'umukobwa.






TANGA IGITECYEREZO

Izina ryawe
Email yawe
Andika igitecyerezo

IBITECYEREZO

  • Abel Mbonyinshuti2 days ago
    Wibagiye abenshi bareba ku ikofi



Inyarwanda BACKGROUND