RFL
Kigali

Ibya Wan Bissaka mu Bwongereza bikomeje kuba agatereranzamba! Ashobora gukinira D.R.Congo

Yanditswe na: SAFARI Garcon
Taliki:7/06/2021 17:25
0


Myugariro w’Umwongereza ukina ku ruhande rw’iburyo, ufite inkomoko muri Repubulika Iharanira Demokarasi ya Congo, Aaron Wan Bissaka ukomeje guteshwa agaciro mu ikipe y’igihugu y’u Bwongereza, ashobora kugarukira ikipe y’igihugu ya D.R.Congo ‘Leopards’.



Byatangiye umwaka ushize wa 2020, ubwo Bissaka yagaragarijwe n’umutoza Gareth Southgate utoza ikipe y’igihugu y’u Bwongereza ko adakenewe muri iyi kipe, nyuma yo kutamuhamagara, ahubwo hagahamagarwa Reece James utabona umwanya wo gukina muri Chelsea, kandi Bissaka ari umukinnyi ugenderwaho muri Manchester United.

Bissaka u Bwongereza bwongeye kugaragaza ko buitamufite muri gahunda, nyuma yo kutamuhamagara mu bakinnyi bazakina igikombe cy’u Burayi’ EURO 2021, ndetse ntiyashyirwa no mu bashobora kwitabazwa igihe hari uwagize ikibazo.

Nyuma yuko myugariro wa Liverpool. Trent Alexander Arnold agize ikibazo cy’imvune, benshi mu bakunzi b’umupir w’amaguru batekereje ko ayo ari amahirwe kuri Wan Bissaka yo kuzakina irushanwa rya Euro nk’umusimbura wa Arnold.

Gusa byabaye agahomamunwa ubwo umutoza Southgate yarenzaga ingohe Bissaka, ahubwo agahamagara myugariro wa Brighton&Hove Albion, Ben White.

Byatumye iogukina irushanwa rya EURO 2021, zigera ku musozo zidasohoye nyuma yo kutitabazwa n’umutoza Gareth Southgate.

Repubulika Iharanira Demokarasi ya Congo, iherutse kugaragaza ko yifuza uyu mukinnyi wakiniye Abanye-Congo batarengeje imyaka 20, ko yagaruka agakinira n’ikipe nkuru imuha agaciro nyuma yuko yirengagijwe n’Abongereza.

Ntabwo Bissaka aratangaza umwanzuro yafashe ku kugaruka gukinira Leopards ya D.R.Congo.

Bissaka ni umwe mu bakinnyi bafashije Manchester United gusoza ku mwanya wa kabiri muri uyu mwaka w’imikino, haba mu kuyifasha kugarira ndetse no gusatira.

 Bissaka wirengagijwe n'ikipe y'igihugu y'u Bwongereza ashobora gukinira D.R.Congo                                                                         





TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND