Umutaliyani Carlo Ancelotti watozaga ikipe ya Evertonyamaze kuyisezeraho asubira muri Real Madrid ku nshuro ya kabiri, gusimbura Zinedine Zidane uherutse kwegura nyuma yo kunanirwa guhesha iyi kipe igikombe cya shampiyona y’uyu mwaka.
Ancelotti w'imyaka 61, watoje Real Madrid mu gihe cy'imyaka ibiri hagati ya 2013 na 2015, yavuye muri Everton nyuma y'amezi 18 yari ayimazemo asubira i Madrid.
Uyu Mutaliyani akaba asimbuye Umufaransa Zinedine Zidane, bikaba bihaye umukoro Everton wo gusigara ishakisha umutoza wa gatandatu w'igihe kirekire muri iyi myaka itanu ishize, usimbura Ancelotti wamaze kugenda.
Ancelotti yashyize umukono ku masezerano y'imyaka itatu atoza Real Madrid, akayisubiza ku ruhando rwo gutwara ibikombe birimo na Champions League.
Nyuma yo gushyira umukono ku masezerano, Ancelotti yavuze ko ibyabaye ari amahirwe atari yitezwe.
Ati: "Nubaha bisesuye buri muntu wese ufite aho ahuriye na Everton kandi nizeye ko bazagera ku bintu byiza bagamije kugeraho".
"Nubwo nashimishijwe no kuba muri Everton, nagejejweho amahirwe atari yitezwe ntekereza ko ari icyemezo cyiza kuri jyewe n'umuryango wanjye muri iki gihe".
Kuri uyu wa gatatu, biteganyijwe ko Real imurikira itangazamakuru Ancelotti nk'umutoza mushya wayo, mu gihe Everton yavuze ko igiye gutangira gahunda yo gushyiraho umutoza mushya.
Real Madrid yasuje uyu mwaka w’imikino iri ku mwanya wa kabiri muri shampiyona ya La Liga, inyuma ya Atletico Madrid yegukanye igikombe, gusa umwaka wose w’imikino wasojwe iyi kipe nta gikombe na kimwe yegukanye, ibintu byarakaje cyane abaherwe n’abafana b’iyi kipe y’ubukombe ku Isi.
Ancelotti niwe mutoza mushya wa Real Madrid mu gihe cy'imyaka itatu iri imbere
Eng
RSS 
Ancelotti yasubiye mu ikipe yahoze atoza
TANGA IGITECYEREZO