RFL
Kigali

APR FC yanyagiye Bugesera FC iyisanze ku kibuga cyayo

Yanditswe na: ISHIMWE Olivier Ba
Taliki:8/05/2021 15:04
2

Umukino wabaye kuri uyu wa Gatandatu aho Bugesera FC yari iri gushaka inota rya mbere imbere y'APR FC imaze gutsinda imikino yayo 2, warangiye APR FC inyagiye Bugesera FC ibitego bitatu ku busa.



Ibitego 3 APR FC itsinze Bugesera byujuje ibitego 20 APR FC imaze gutsinda Bugesera kuva iyi kipe y'iburasirazuba yashingwa. Bugesera kugeza ubu ifite ubusa bw'amanota mu mikino 3 imaze gukina, mu gihe APR FC igize amanota 9 ku 9. Umukino Bugesera itsinzwe ubaye uwa 8 itsinzwe na APR FC muri shampiyona kuva yansingwa.

UKO UMUKINO WA APR FC NA BUGESERA FC WAGENZE UMUNOTA KU WUNDI

93' Umukino waberaga kuri Sitade ya Bugesera urangiye ari ibitego 3 bya APR FC ku busa bwa Bugesera FC

92' Koroneri ya Bugesera FC itagize icyo itanga.

91' Goalllllllllllll Muganga atsinze igitego cya Gatatu aricyo cya mbere ku ruhande rwe, ubuzima buba bubi ku ruhande rwa Bugesera

90' Kufura ya APR FC imbere y'izamu ryayo.

87' Goalllllllllllll Igitego cya 2 cya APR FC gitsinzwe na Omborenga kuri kufura ateye neza cyane umuzamu Masudi ntiyamenya aho umupira unyuze.

85' Rucogoza Djihard ahushije igitego cyari cyabazwe Niyongira Danny amukatiye umupira ashyira ku mutwe ahagaze wenyine umupira ujya hanze.

83' Omborenga akatiwe na umupira na Yannick Bizimana, arekuza umupira muremure ufata igiti cy'izamu, uburyo bwiza APR FC yari ibonye mu gice cya kabiri.

80' Rucogoza Elliassa avuyemo ku ruhande rwa Bugesera.

79' Buregeya Prince yinjiye mu kibuga havamo Djabel watsinze igitego

77' Manzi Thierry asohotse mu kibuga ubona ko ababaye ariko bitari cyane.

73' Yannick Bizimana ugiyemo mu kanya, arengeje umupira Masudi ariko ku bw'amahirwe macye umupira ujya hanze.

70' Ikarita y'umuhondo ku ruhande rwa Bugesera FC ihawe Rucogoza Elliassa ku ikosa yari akoreye Ruboneka.

67' Gusimbuza ku ruhande rwa APR FC Yannick Bizimana na Bukuru binjiye mu kibuga Danny Usengimana na Keddy Nsanzimfura barasohoka.

58' Umukino uri gukinirwa mu kibuga hagati byanatumye umukino usubira hasi.

52' Nsanzimfura Keddy ahawe ikarita y'umuhondo ku ikosa akoreye Niyongira Danny.

48' Bugesera FC ntirasimbuza iri gukinira mu kibuga hagati

45' Habaye gusimbuza ku ruhande rwa APR FC Nshuti Innocent avuyemo asimburwa na Mugunga Yves.

45' Reka twongere tubahe ikaze kuri sitade ya Bugesera mu mukino wa shampiyona wahuje Bugesera na APR FC. Igice cya mbere cyarangiye ari igitego 1 ku busa bwa Bugesera FC.

45'+1' Igice cya mbere kirarangiye ari igitego kimwe ku busa cyatsinzwe na Manishimwe Djabel ku munota wa 13

45' Umusifuzi yongeyeho umunota umwe gusa kuhira ngo igice cya mbere kirangire.

42' Masudi yongeye gukuramo umupira wari wabazwe, ishoti rirerire ritewe na Nshuti Innocent.

38' Ntagungira Masudi uri mu minota igoye cyane, amaze gukuramo imipira ibiri yikurikiranya ya Ruboneka Bosco

34' Masudi ufatira Bugesera asohotse nabi ariko inyuma ye harimo Myugariro uhise atabara izamu umupira awushyira muri Koroneri.

33' Bugesera FC yatangiye kwiganza ku mukino irimo kugera imbere y'izamu kenshi.

31 Koroneri ya Bugesera itewe na Kwitonda Alain ariko umupira urengera ku rundi ruhande.

27' Bugesera ibonye uburyo bwiza Niyongira Danny atera ishoto rito Ishimwe ahita awufata.

25' Umupira ubu uri gukinirwa mu kibuga hagati amakipe yombi ari guhererekanya umupira bisanzwe.

21' Omborenga azamukanye umupira neza ariko awuteye imbere y'izamu Innocent ayishyiza umutwe Masudi umupira arawuryamira neza.

18' Kufura ya Bugesera FC itewe na Kwitonda Alain ariko umupira uguma mu rukuta.

16' Igitego Manishimwe Djabel atsinze kibaye icya 18 APR FC itsinze Bugesera FC muri shampiyona kuva aya makipe yatangira guhura.

13' Goalllllllllllll igitego cya mbere cya APR FC gitsinzwe na Manishimwe Djabel

11' APR FC yakunze kubona imipira y'imiterekano n'ubu ibonye kufura ariko Keddy ayiteye ijya hanze.

7' Umupira muremure utewe na Mutsinzi Ange ariko Bugesera iwushyira muri Koroneri.

6' Kufura ya APR FC ku ikosa rikorewe Nshuti Innocent

3' Kufura ya Bugesera FC itewe na Kwitonda Alain ariko umupira umusifuzi avugako ko habaye ikosa.

15:02' Umukino uratangiye ku mpande zombi aho Bugesera ariyo itangije umupira.

Bugesera na APR zihuye ku nshuro ya 11, aho mu nshuro 10 ziheruka, Bugesera yatsinze APR FC inshuro imwe gusa. Umwaka wa 20216/2017 warangiye APR idatsinze Bugesera kuko banganyije umukino wo kwishyura ariko umukino ubanza Bugesera yari yanize APR iyitsinda ibitego 2-1.

Bugesera imaze kwinjiza ibitego 5 mu izamu rya APR FC mu myaka 10 ishize muri shampiyona mu gihe APR imaze gutsinda ibitego 17 mu izamu rya Bugesera FC. APR imaze gutsinda Bugesera imikino 7 banganya ibiri Bugesera itsinda umwe.

Abakinnyi ba Bugesera babanjemo:

1. Ntagungira Masudi

2.Niyonkuru Daniel

3.Rucogoza Djihad

4.ganijuru Elie

5. Mukengere Christian

6.Dori Souleymanou

7. Mugisha Francois

8.Rucogoza Ilias

9.Nyandwi Theophile

10.Alain Kwitonda

11.Niyongira Danny

Abakinnyi ba APR FC babanje mu kibuga:

1.Ishimwe Patrick

2.Omborelnga Fitina

3.Manishimwe Emmanuel

4.Manzi Therry

5.Mutsinzi Ange

6.Ruboneka Bosco

7.Niyonzima Olivier

8.Nsanzimfura Keddy

9.Manishimwe Djabel

10. Nshuti innocent

11. Usengimana Danny







TANGA IGITECYEREZO

Izina ryawe
Email yawe
Andika igitecyerezo

IBITECYEREZO

  • Vital Habimana Jr.1 month ago
    Sinzi neza amahame y'itangazamakuru kuko sibyo nize, ariko kubwanjye numva inkuru ivugwa yagakwiye kujyana n'ifoto ijyanye niyo nkuru[]. Nk'ubu umutwe w'iyi nkuru wayobya abantu benshi, muti " APR yanyagiye Bugesera iyisanze ku kibuga cyayo" hanyuma mugashyiraho ifoto idafite aho ihuriye n'uwo mukino n'ikibuga kivugwa. Maze kubona ibintu bisa nk'ibi ku bitangazamakuru byandika byinshi, niba ari ikibazo cyo kutagera kuri field, niba ari ubunebwe bw'abanyamakuru, niba se wenda ari uko nta n'icyo bitwaye kubikora gutyo, ubwo nabiburiye impamvu yabyo uyizi ambwire. Murakoze
  • Mbazumutima eric1 month ago
    Turatsinda bugesera.bitatukubusa



Inyarwanda BACKGROUND