Nyuma ya tombora ya ¼ cya UEFA Champions League yabaye kuri uyu wa gatanu tariki ya 19 Werurwe 2021, yasize Real Madrid itomboye Liverpool yatsindiye ku mukino wa nyuma w’iri rushanwa mu 2018, bisiga mu ihurizo rikomeye umutoza Zinedine Zidane, ushobora guhabwa ikamba cyangwa agaterwa amabuye mu minsi 8 gusa.
Real Madrid ifite akazi katoroshye mu minsi umunani y’ingenzi, ishobora kubasubiza igikombe cya Champions League baheruka mu 2018 ndetse n’igikombe cya shampiyona ya Espagne.
Ku wa kabiri tariki ya 06 Mata 2021, Real Madrid izakira Liverpool mu mukino ubanza wa Champions League, nyuma y’iminsi 4, ku wa gatandatu tariki ya 10 Mata, Real Madrid ikine na FC Barcelona muri EL Classico, mu gihe tariki ya 14 Mata 2021, Real Madrid izaba iri ku kibuga Anfield kwa Liverpool, mu mukino wo kwishyura wa ¼ cya Champions League.
Mu myaka itandukanye, Real Madrid ya Zidane yagiye igaragaza kwihagararaho igatanga umusaruro mwiza mu mikino ikomeye yakinnye n’amakipe akomeye, kabone n’ubwo yaba idahagaze neza muri icyo gihe, nkuko umutoza wayo yakunze kubitangaza.
Zidane yatangaje ko uyu mwaka yiteguye guhatanira igikombe cya shampiyona ya Espagne n’icya Champions League, gusa agomba gutangira kubigaragariza mu mikino itatu ikomeye azakina mu minsi umunani gusa, ishobora kumubera urufunguzo rwo kubigeraho.
Muri uyu mwaka nubwo Real Madrid yatangiye nabi imikino y’amatsinda, ikaza gukosora nyuma ndetse ikanayobora itsinda rya B yari iherereyemo, yatangaje ko umusoz\i yazamutse icyo gihe utawugereranya n’uwo bagomba kuzamuka ku mikino bafite ya Liverpool na Barcelona, kuko ifite igisobanuro gikomeye ku mwaka w’imikino wose.
Gutsindwa imikino yikurikiranya ya Alaves na Shakhtar Donetsk, nyuma bakisuganya bagatsinda imikino ya Sevilla, Shakhtar, Atletico Madrid na Athletic Club, cyabaye ikimenyetso cyuko iyi kipe yagarutse mu murongo mwiza, ndetse igomba kwitonderwa.
Nyuma yo kumenya ko yatomboye Liverpool muri ¼ cya Champions League y’uyu mwaka, Zidane utoza Real Madrid yagize ati: “Tuzi Liverpool abo ari bo, kandi bameze nkatwe. Twese tumaze igihe dufite ibibazo, gusa turacyari mu irushanwa”.
Liverpool, ubu iri ku mwanya wa gatandatu muri shampiyona y’u Bwongereza, umunsi Real Madrid izaba ikina na Barcelona, iyi kipe iheruka kwegukana Premier League izaba ikina na Aston Villa.
Mbere yuko Real Madrid ikina na Liverpool, izabanza gukina na Celta na Eibar, ndetse hakurikireho imikino ittu y’ikipe y’igihugu, ibintu Zidne avuga ko ntacyo bizahungabanya ku musaruro w’ikipe ye.
Real
Madrid nikina na Liverpool nta mukinnyi wayo ufite ikibazo, ishobora kuzakina
El Classico ibura zimwe mu nkingi za mwamba zayo, nkuko byabaye mu Ukuboza 2019.
Benshi baribaza niba ariw mwanya wo kwihorera kuri Liverpool yatsindiwe ku mukino wa nyuma na Real Madrid mu 2018
Eng
RSS 
TANGA IGITECYEREZO