Umunyarwanda Cassa Mbungo André utoza ikipe ya Bandari FC yo mu cyiciro cya mbere muri Kenya, yatowe ndetse ahembwa nk'umutoza witwaye neza mu cyumeru gishize, muri shampiyona ya Kenya.
Gutsinda AFC Leopard ibitego 2-0 mu cyumweru gishize, bigatuma Bandari ishyikira Leopard ku manota 19, byatumye Cassa atorwa nk'umutoza w'icyumweru.
Kuva muri Mutarama 2021 ubwo Cassa Mbungo André yahabwaga iyi kipe, imaze gukina imikino ya shampiyona irindwi, aho yatsinzemo imikino ine, atsindwa umukino umwe, anganya imikino ibiri.
Mu ntangiriro za Mutarama 2021, ni bwo Cassa Mbungo yageze mu ikipe ya Bandari FC yo mu cyiciro cya mbere muri Kenya, nyuma y'amezi atanu yari amaze muri Gasogi United.
Mu mikino 12 imaze gukinwa muri shampiyona ya Kenya, Bandari FC iri ku mwanya wa gatandatu n'amanota 19, ikaba irushwa amanota 10 na Tursker iri ku mwanya wa mbere.
Kuri uyu wa kabiri tariki ya 23 Gashyantare, Bandari izamanuka mu kibuga saa munani ikina na Vihiga United iri ku mwanya wa 15 mu makipe 18 akina icyiciro cya mbere muri shampiyona ya Kenya.
Eng
RSS 
TANGA IGITECYEREZO