Ahazaza ha rutahizamu Klyan Mbappe hatangiye guteza urujijo no kwibazwaho cyane, nyuma yuko abayobozi mu nzego za Politiki binjiye muri gahunda ye y'amasezerano afite muri Paris Saint-Germain, bamusaba kutagira ikindi gihugu yerekezamo akaguma mu Bufaransa akabera abandi urugero.
Minisitiri wa Siporo mu Bufaransa, Madame Roxana Maracineanu, yabwiye Mbappe ko u Bufaransa bukeneye ko aguma muri shampiyona ya Ligue 1, kuko bifitiye akamaro abaturage bose n'iterambere rya ruhago muri iki gihugu.
Mu kiganiro yagiranye na Tele Loisirs, Madame Roxana yagize ati "Naramubwiye nti 'Klyan guma mu Bufaransa, turagukeneye".
"Dushaka guhora tukubona ukina utya, Abaturage baragukeneye, PSG iragukeneye, abana bakiri bato bakina umupira w'amaguru bakeneye uwo bazakura bareberaho, uzababera icyitegererezo".
Muri iki cyumweru hagati, nibwo Mbappe yongeye kwereka abatuye Isi ubushobozi bwe mu kibuga nyuma yo gutsindira i Camp Nou ibitego bitatu, mu mukino wa UEFA Champions League PSG yatsinze FC Barcelona 4-1.
PSG yakoze ibishoboka byose ishyira umutekano ku masezerano ya Neymar, gusa kuri Mbappe biracyagoranye kuko ayo asanzwe afite azarangira umwaka utaha, bivuze ko bigoye kumugumana dotre ko amakipe y'ubukombe ku Isi arimo Real Madrid amaze igihe kirekire amugera amajanja.
Ubwo yabazwaga ku hazaza he nyuma y'umukino bari bamaze gutsinda FC Barcelona, ndetse n'amakuru amwerekeza muri Real Madrid, Klyan Mbappe yagize ati:
"Ahazaza hanjye? Bwaba ari ubucucu gufata umwanzuro nkuwo ugendeye ku mukino umwe gusa".
"Iki ni ikintu gisaba igihe kirekire kugitekereza".
"Buri gihe mbabwira ko hano nishimye, kandi imikino nk'uwiri joro ituma umuntu yishima".
Mbappe yasabwe na Minisitiri kuguma muri shampiyona y'u Bufaransa
:focal(1238x390:1240x388)/origin-imgresizer.eurosport.com/2021/02/16/2996311-61481948-2560-1440.jpg)
Mbappe aheruka gutsindira ibitego bitatu i Camp Nou kwa Barcelona muri 1/8 cya Champions League
Eng
RSS 
TANGA IGITECYEREZO