Umunyezamu w'ikipe y'igihugu ya Cameroun ndetse na Ajax yo mu Buholande, Andre Onana yahagaritswe n’Impuzamashyirahamwe y’umupira w’Amaguru ku mugabane w’i Burayi 'UEFA' amezi 12 adakina umupira w’amaguru, nyuma yo kuvumbura ko mu mwaka ushize yakoresheje imiti yongera imbaraga.
Mu itangazo UEFA yasohoye kuri uyu wa Gatanu tariki ya 05 Gashyantare, yavuze ko Andre Onana ahagaritswe amezi 12 nyuma y'ibizamini byafashwe tariki ya 30 Ukwakira 2020, bigaragaje ko uyu munyezamu yakoresheje imiti yongera imbaraga.
UEFA yatangaje ko ibihano Onana yafatiwe bitangira kubahirizwa none, akaba atemerewe gukinira ikipe ye ya Ajax ndetse n'ikipe ye y'igihugu mu mwaka wose.
Ibi byashimangiwe n’ikipe ya Ajax FC ibicishije ku rukuta rwayo rwa Twitter, aho yamenyesheje abakunzi bayo ko umunyezamu w'iyi kipe yahagaritswe na UEFA umwaka wose adakina.
Mu gihe hagitegerejwe ubujurire bw'uyu mukinnyi, nta gikorwa na kimwe cy'umupira w'amaguru yemerewe kugaragaramo mu mezi 12.
Onana yahagaritswe umwaka adakina kubera gukoresha imiti yongera imbaraga
Eng
RSS 
TANGA IGITECYEREZO