Kigali

Ubwugamo: Manzi & Eunice bakomeje guhumuriza abantu muri ibi bihe Isi yibasiwe na Covid-19-VIDEO

Yanditswe na: Mupende Gedeon Ndayishimiye
Taliki:25/01/2021 14:42
0


Manzi Nelson n'umugore we Eunice Irakiza bakoze mu nganzo bagenera ubutumwa abatuye Isi bugarijwe n'ibibazo bitandukanye ahanini byatewe n'icyorezo cya Covid-19 cyibasiye Isi kuva mu mpera za 2019. Ni ubutumwa batanze binyuze mu ndirimbo yabo nshya 'Ubwugamo' yasohokanye n'amashusho yayo yafashwe ndetse atunganywa na Producer na Eliel Sando.



KANDA HANO WUMVE INDIRIMBO 'UBWUGAMO' YA MANZI & EUNICE

Manzi & Eunice komeje kwerekwa urukundo mu ndirimbo bari kuririmbana muri iyi minsi, batangarije abakunzi babo n'abandi bose bakunda umuziki ko iyi ndirimbo yabo nshya bayituye buri wese ushaka kuyoborwa n'Imana mu gihe cy'ibibazo. Batanze ubutumwa bw'ihumure bubwira abantu bose ko muri iki gihe Isi irimo kunyura muri byinshi bigoye, Imana ikiri iyo kwiringirwa ndetse ikaba n'ubwugamo bw'abayihungiyeho. Basabye abantu bose gusabirana mu masengesho.

Manzi Nelson uririmba muri Ambassadors of Christ ari kugaragara aririmbana n'umugore we Eunice Irakiza uririmba muri korali Epee du salut muri ibi bihe by'icyorezo cya Covid-19 aho ibikorwa bihuriza hamwe abantu benshi bitemewe mu kwirinda ikwirakwira ry'iki cyorezo. Hari n'indirimbo aba bombi bakoranye na mushiki wa Manzi ari we Sarah Sanyu Uwera nawe ubarizwa muri Ambassadors of Christ.


Manzi hamwe n'umugore we Eunice bashyize hanze indirimbo 'Ubwugamo'

REBA HANO INDIRIMBO 'UBWUGAMO' YA MANZI & EUNICE







TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND