Kigali

Prof. Thomas Kigabo wari umuyobozi muri Banki Nkuru y'u Rwanda yitabye Imana

Yanditswe na: Mupende Gedeon Ndayishimiye
Taliki:15/01/2021 7:35
2

Mu gitondo cyo kuri uyu wa Gatanu tariki 15/01/2021 hatangajwe inkuru ibabaje y’urupfu rwa Prof. Thomas Kigabo Rusuhuzwa wari Umuyobozi Mukuru ushinzwe ubukungu muri Banki Nkuru y'u Rwanda (BNR), witabye Imana azize uburwayi.



Ikigo cy'Igihugu cy'Itangazamakuru (RBA) dukesha iyi nkuru cyanditse kuri Twitter ko Prof. Kigabo yapfiriye muri Kenya aho yari yagiye kwivuriza. Bagize bati "Thomas Kigabo RUSUHUZWA wari Umuyobozi Mukuru ushinzwe ubukungu muri Banki Nkuru y'u Rwanda (BNR) yitabye Imana. Akaba yapfiriye muri Kenya aho yari yagiye kwivuriza".

Prof. Kigabo Thomas uretse imirimo ikomeye yakoreye igihugu yaba muri BNR, muri Kaminuza zinyuranye yigishijemo zirimo Kaminuza y'u Rwanda, ULK, Jomo Kenyata, n'izindi, yari n'umuvugabutumwa bwiza wari ukunzwe n'abatari bake. 

Urupfu rwe rwashavuje benshi barimo na Bishop Dr. Masengo Fidele wa Foursquare Gospel church wanditse ku mbuga nkoranyambaga akoresha ati "Wakoreye umuryango, ukorera ibihugu n'amahanga, cyane cyane wakoreye ijuru. Umuryango wanjye ubuze inshuti ikomeye".


Prof Kigabo yitabye Imana azize uburwayi 


Prof. Kigabo Thomas yitabye Imana 






TANGA IGITECYEREZO

Izina ryawe
Email yawe
Andika igitecyerezo

IBITECYEREZO

  • Gahizi Nkubitoyintore1 month ago
    Ye baba we🙆🙆🙆 Kuko se Prof.Kigabo yitabye Imana? Mbega agahinda Mana weeeee!!!!! Imana imwakire mu bayo. Yari umukristu mwiza. Yavugaga ubutumwa bwuzuyemo ubwenge. Agiye tukimukeneye. Ibi bintu biteye ubwoba icyo nzi cyo. Mube maso abasigaye kuko araruhutse, agiye ibudapfa. Imana ikomeze abasigaye.
  • Mahoro Patty1 month ago
    Prof.Kigabo Thomas, Imana ikwakire mu bayo. Wari umugabo mwiza, wuzuye Umwuka w'Imana kdi wari umunyabwenge. Waranzwe no kwicisha bugufi, ubana neza b'abandi baba abo wayoboye n'abandi rubanda rusanzwe by'umwihariko wabaye Umukristu mwiza mu Itorero wasengeragamo. Tubuze umuntu w'ingirakamaro, twagukundaga ariko Imana yagukunze kuturusha irakwisubije. Byibura nta rubanza tugufiteho, Imana izaguhe ubugingo kuko warabukoreye ibyo turabihamya, Imana itajya ikiranirwa, izite Ku mirimo yawe wakoze ukiri mu isi. Ntituzakwibagirwa😧😧😧😢😢😢


Inyarwanda Art Studio

Inyarwanda Art studio
Inyarwanda BACKGROUND