Kigali

CAF CC: AS Kigali yatomboye ikipe yo muri Tunisia ifite amateka akomeye muri iri rushanwa

Yanditswe na: SAFARI Garcon
Taliki:8/01/2021 16:17
2

Muri tombola yuko amakipe azahura muri 1/16 muri CAF Confederations Cup, AS Kigali yisanze iri kumwe na CS Sfaxien yo muri Tunisia, imaze kwegukana ibikombe bitatu muri iri rushanwa yitabiriye ku nshuro ya gatandatu.



Ni igikorwa cyabaye kuri uyu wa gatanu tariki ya 08 Mutarama 2021, kikaba cyabereye ku cyicaro cy'Impuzamashyirahamwe y'umupira w'amaguru muri Afurika giherereye i Cairo mu Misiri.

Amakipe 32, arimo 16 yakomeje mu ijonjora rya gatatu rya CAF Confederation n’andi 16 yasezerewe mu ijonjora rya kabiri rya CAF Champions League, niyo yatomboranye.

AS Kigali yakomeje mu ijonjora rya gatatu isezereye KCCA yo muri Uganda, yatomboye ikigugu cyo muri Tunisia, CS Sfaxien yo muri Tunisia, yasezerewe muri Champions League na MC Alger yo muri Algeria ku kinyuranyo cy'ibitego 2-1 mu mikino yombi.

Umukino ubanza wabereye muri Algeria, MC Alger yatsinze Sfaxien 2-0, mu gihe mu mukino wo kwishyura wabereye muri Tunisia, Sfaxien yatsinze 1-0, ihita isezererwa.

Umukino ubanza uzabera muri Tunisia tariki ya 14 Gashyantare mu gihe uwo kwishyura uzabera i Kigali nyuma y’icyumweru kimwe, tariki ya 21 Gashyantare 2021.

AS Kigali yaherukaga kugera muri iki cyiciro kibanziriza amatsinda mu 2014, ubwo yasezererwaga na Difaâ Hassani El Jadidi yo muri Morocco.

Iyi ni inshuro ya gatandatu CS Sfaxien yitabiriye CAF Confederations Cup, ikaba imaze kwegukana ibikombe bitatu, harimo icyo yatwaye mu  2007, 2008 ndetse na 2013.

Kuri ubu ikaba iri ku mwanya wa kabiri muri shampiyona ya Tunisia, aho ifite amanota 10 mu mikino ine imaze gukina, ikaba yaratsinze itatu, inganya undi mukino.

AS Kigali ifite akazi katoroshye ko gusezerera CS Sfaxien ikagera mu matsinda ya CAF Confederations Cup

Sfaxien ifite amateka akomeye yo kwegukana ibikombe bitatu bya Confederations Cup





TANGA IGITECYEREZO

Izina ryawe
Email yawe
Andika igitecyerezo

IBITECYEREZO

  • Allan Shan3 months ago
    Bye bye ASKIGALI Wari wagerageje
  • Hagena3 months ago
    As kigali tukuri inyuma



Inyarwanda BACKGROUND