Kigali

Diego Costa muri Arsenal! Igisubizo ku busatirizi bwa Mikel Arteta

Yanditswe na: SAFARI Garcon
Taliki:29/12/2020 17:56
0

Nyuma y'uko rutahizamu w'ikipe y'igihugu ya Espagne, Diego Costa, aseshe amasezerano na Atletico Madrid yakiniraga kubera kutabona umwanya uhagije wo gukina, ubu Arsenal yatangiye urugamba rwo kumwegukana ngo yongere imbaraga mu busatirizi bw'iyi kipe busa n'ubwasinziriye nubwo Juventus nayo iri kumucungira hafi.



Kuri uyu wa kabiri tariki ya 29 Ukuboza 2020, ni bwo Atletico Madrid yatangaje ko yaseshe amasezerano n'uyu rutahizamu uzwiho kutajya yihanganira bagenzi be mu kibuga, nyuma y'uko yanze kwitabira imyitozo yo ku wa mbere.

Arsenal yasamiye hejuru iyi nkuru, ihita itangiza ibiganiro byihuse n'uyu mukinnyi kugira ngo ubwo isoko rizaba rifunguwe muri Mutarama 2021, azerekeze muri iyi kipe iri mu bihe bitayoroheye muri Premier League.

Arsenal ikeneye rutahizamu uza gufasha abahasanzwe, kubera ko umusaruro wabo mu mikino 15 bamaze gukina ari mubi cyane. Bigaragara ko byibura muri buri mukino Arsenal yinjiza igitego kimwe ariko ikinjizwa ibirenze kimwe, kuko mu mikino 15 yatsinze ibitego 15, yinjizwa 19.

Umutoza Mikel Arteta akeneye rutahizamu uza kongera imbaraga mu busatirizi bw'iyi kipe iri kurwana no kuva ku mwanya wa 15 yicayeho ku rutonde rwa shampiyona, ikazamuka ndetse igashaka itike yo kuzakina UEFA Champions League umwaka utaha nk'uko byari biri mu ntego zabo bajya gutangira shampiyona.

Gusa uru rugamba baruhanganiyemo na Juventus nayo yifuza uyu mukinnyi kugira ngo yongere imbara mu busatirizi bw'iyi kipe yo mu Butaliyani.

Nyuma yo kugura Umunya-Portugal Joao Felix ndetse n'umunya-Urguay Luis Suarez, Costa yatangiye guhabwa iminota mike yo gukina, rimwe na rimwe ntakine, bituma abura umwanya uhoraho wo kujya mu kibuga byatumye yivumbura, asaba ubuyobozi bw'iyi kipe kumurekura akigenda.

Muri uyu mwaka w'imikino, Costa w'imyaka 32 y'amavuko, yagaragaye mu kibuga akinira Atletico mu mikino irindwi, akaba yaratsinzemo ibitego bibiri.

Costa wamaze imyaka umunani muri Atletico Madrid mbere yo kujya muri Chelsea akanahatwara ibikombe bibiri bya shampiyona (2014 na 2017), yagarutse muri iyi kipe yamureze yanagiriyemo ibihe byiza.

Uyu munya-Espagne, yakiniye Chelsea imikino 120 mu myaka itatu yahamaze (2014-2017), ahatsinda ibitego 59 mu mikino 82 yakiniye Stamford Bridge.

Diego Costa yamaze gusesa amasezerano muri Atletico Madrid

Costa ku muryango winjira muri Arsenal

Costa yatwaranye na Chelsea ibikombe bibiri bya shampiyona y'u Bwongereza






TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND