Kigali

Iyawe irimo? Urubuga rwa WhatsApp kuva muri Mutarama 2021 hari Telefone rutazongera gukoramo

Yanditswe na: Neza valens Vava
Taliki:27/12/2020 16:57
0

Kuva saa 12:00 z’ijoro muri Mutarama 2021, urubuga rwa WhatsApp ntiruzongera gukora muri telefone zimwe na zimwe.



Uru rubuga ntiruzongera gukora muri telefone zitarimo 'Operating Systeme' ya iOS 9, n’izikoresha iya android 4.0.3. Muri izi telefone harimo izo mu bwoko bwa iPhone. Niba utunze iPhone 4S, iPhone 5, iPhone 5S, iPhone 5C, iPhone 6, cyangwa iPhone 6S kugira ngo ubashe gukoresha uru rubuga rwa WhatsApp bizagusaba kubanza gushyiramo Operating Systeme ya iOS 9. Ni mu gihe abatunze iPhone 6S, 6 Plus na iPhone SE bo bazasabwa gushyiramo 'operating system' ya iOS 14.

iPhone 4S iri muri telefone WhatsApp itazongera gukoramo kuva tariki 1 Mutarama 2021

Kuva tariki ya mbere Mutarama 2021 uwo uru rubuga ruzaba rutagikora muri telefone twagarutseho abazikoresha bashobora kuzatakaza ubutumwa runaka wenda bari bakeneye nk'uko tukikesha Indian Today.

Ubuyobozi bw’uru rubuga rwatanze inama z’ibyo ushobora gukora ukongera ukabona bwa butumwa bwawe. Wakora 'Back Up' ya 'WhatsApp message' (kubika ubutumwa bugufi bwo wohererezanyije n'abantu kuri Whatsapp). Kubikora ufungura ubutumwa runaka utifuza gutakaza hanyuma ukajya ahanditse ’Group Info’.

Nyuma yaho ujya ahanditse ‘Export Chat” bakaguha inzira igufasha kubika ubwo butumwa bwawe utifuza gutakaza. Uru rubuga rwa WhatsApp rwaguzwe na Facebook uru narwo ni urundi rubuga rukoreshwa n’abatari bake hirya no hino ku isi rwa Mark Zuckerberg. Kugeza ubu WhatsApp ku Isi ikoreshwa n’abagera kuri miliyari ibyiri.






TANGA IGITECYEREZO

Izina ryawe
Email yawe
Andika igitecyerezo


Inyarwanda BACKGROUND