Ahabanza Ubuzima

Ibyamamare n’abakomeye 4 bafashe urukingo rwa Covid-19 ku ikubitiro

Yanditswe na: Mbarubukeye Etienne Peacemaker
Taliki:23/12/2020 16:40 1

Umwaka wari ugiye gushira hakorwa urukingo rwa Covid-19 ariko hari nyinshi bivugwa ko ziri mu cyiciro cya nyuma. Muri uku kwezi kwa 12 nibwo bamwe mu bakomeye bagaragaye bari kuri za televiziyo bari guterwa urukingo rwa Coronavirus mu gushishikariza abandi kurwemera bakarwakira. Mu banyacyubahiro bahawe uru rukingo harimo na Joe Biden.

1. Dr Anthony Fauci uyobora kaminuza y’ubuganga n'ikigo gishinzwe imiti n'inkingo yaruhawe ku ikubitiro ku ya 22 Ukuboza mu 2020 i Maryland mu kigo gishinzwe ubuzima giherereye ahitwa Bethesda.

Akimara kuruterwa yasobanuye ko abikoze ku mugaragaro kugira ngo yereke abandi bose ko bakwiriye kuruyoboka kuko rurizewe.

2. Joe Biden

Perezida uherutse gutorwa ngo ayobore Leta Zunze Ubumwe za Amerika ku ya 21 Ukuboza mu 2020 yakoze igikorwa cyaciye ku bitangazamakuru by’igihugu n’ibyigenga ari guterwa uru rukingo. Yagize ati: "Ntewe ishema no guterwa uru rukingo kandi ntimugire ubwoba rurizewe’’.

3. Sir Ian Mackellen

Uyu mwongereza w’imyaka 81 ukomoka mu Bwami bw’Abongereza ni umwe mu banditsi b’ibihangange nyuma ya Shakespear ni umukinnyi wa filimi akaba anatambutsa ibiganiro kuri televiziyo. Ku ya 16 Ukuboza mu 2020 yagiye ku rukuta rwe rwa Twitter yandikaho ko yatewe ishema no guterwa urukingo rwa Covid-19 kandi asaba buri wese kuzarwakira.

4. Mike Pince

Visi Perezida wa Leta Zunze Ubumwe za Amerika ku ya 18 Ukuboza mu 2020 yahawe urukingo ari i Washington. Yananditse ko we n’umugore we batewe urukingo kandi babyishimiye bitanga ihumure ku Banyamerika bose.