Kigali

Abantu bamwitege: Shizzo avuga kuri Sean Brizz bakoranye indirimbo ikomoza ku basitari batikoza “Ubuyoga bwa macye”-VIDEO

Yanditswe na: Janvier Iyamuremye
Taliki:23/12/2020 10:56
0


Umuraperi Shizzo Afropapi ukorera muzika muri Leta Zunze Ubumwe za Amerika, yatangaje ko mugenzi we Sean Brizz bakoranye indirimbo bise ‘Ubuyoga bwacye’ abantu bakwiye kumwitega no kumushyigikira kuko afite impano idasanzwe.



Indirimbo ‘Ubuyoga bwa macye’ irabyinitse irafasha abantu gusoza neza umwaka wa 2020 binjira mu mwaka wa 2021. Ni imwe mu ndirimbo Shizzo Afropapi yari amaze igihe ateguza abafana be n’abakunzi b’umuziki muri rusange.

Ni indirimbo yitezeho gukundwa ashingiye ku kuba yarayikoranye n’umumuraperi w’umuhanga Sean Blizz no kuba ari indirimbo yumvikanisha uburyo Covid-19 yahinduye imyitwarire ya benshi, bagakira ibyo bigombwa kugira ngo ubuzima bukomeze.

Shizzo Afropapi yabwiye INYARWANDA, ko yahisemo gukorana na Sean Brizz kuko yujuje buri kimwe yifuzaga ku muhanzi uzaririmba inkikirizo y’iyi ndirimbo.

Hejuru y’ibi, avuga ko Sean Brizz ari umuhanzi w’impano idasanzwe ubifatanya no gutunganya indirimbo ari nawe wakoze iyi basohoye bise ‘Ubuyoga bwa macye’.

Yagize ati “Sean Brizz ni umuhanga. Ni we wakoze amajwi y’iyi ndirimbo. Asanzwe ari na Producer. Aririmba neza. Ni umuntu numva ko afite impano ikomeye, abantu bakwiye kumwitega kandi bakamushyigikira.”

Shizzo yavuze ko we na Sean Brizz bagize igitekerezo cyo gukora iyi ndirimbo biturutse ku kuba mu bihe bya Guma mu Rugo, hari abantu benshi bamenye gukoresha neza amafaranga bari bafite, abanywaga inzoga zihenze bayoboka iza macye mu rwego rwo kwiteganyiriza.

Ati “Kuva icyorezo cya Covid-19 cyakwaduka, ndahamya ko abasore cyangwa se urubyiruko na bari basanzwe bifite ku mufuka barushijeho kumenya gukoresha neza amafaranga yabo. Ku buryo niba waraguraga inzoga ya ‘Hennesy’ y’ibihumbi 80 Frw, ugatangira kugura Miitzig kugira ngo wizigamire.”

“Iyi ndirimbo rero byari mu buryo bwo kwishimira ko abantu basigaye binywera ubuyoga bwa macye bikafasha nyine gukomeza gusunika ubuzima bwabo bwa buri munsi.”

Shizzo anavuga ko muri iyi ndirimbo banaririmbye ku basitari batikoze ‘Ubuyoga bwa macye’ batinya ko bwabasindisha bagata ibaba mu bantu, Isi ikabota.  Ati “Wumvise neza iyi ndirimbo irashaka kugaragaza ukuntu abasitari bagorwa no kunywa ubuyoga bwa macye.”

“Muri ibi bihe abasitari bagera ahantu bakavuga bati ‘reka ntidusinde kugira ngo tutaraburiza tugasanga abapaparazi badushyize hanze ngo ‘twanyweye ubuyoga bwa macye’. Umusitari agahitamo kuva mu kirori atanyweye cyangwa agahitamo kwinywera ‘shampagne’ ngo batavuga ngo yanywereye utuyoga twa macye’.

Sean Brizz wakoranye indirimbo na Shizzo Afropapi ni umuhanzi w’umuhanga mu ijwi uzwi mu ndirimbo zirimo ‘Niko kuri’, ‘Nzahora Ngukunda’, ‘Akazi Kose’, ‘Ghetto’ yo mwaka wa 2018, ‘True Love’ n’izindi nyinshi. Ni we wakoze indirimbo yumvikana muri filime ‘Umuturanyi’ ya Clapton Kibonke.

Shizzo Afropapi yaherukaga gusohora amashusho y’indirimbo ‘Waki Waki Remix’ yakoranye n’umuraperi Ish Kevin ufashe Trap Music muri iki gihe, Bull Dogg na Neg G the General, ‘Do or Die’ yakoranye na Young Grace, ‘Ngezweho’ yakoranye na Peace Jolis n’izindi nyinshi.

Umuraperi Shizzo Afropapi yasohoye amashusho y'indirimbo snhya yise 'Ubuyoga bwa macye' yakoranye na Sean Brizz

Shizzo yatangaje ko abantu bakwiye kwitega impano idasanzwe ya Sean Brizz

Umuhanzi Sena Brizz wakoranye indirimbo na Shizzo Afropapi afite indirimbo zakunzwe cyane

Umuhanzi Sean Brizz ni we wakoze indirimbo yumvikana muri filime 'Umuturanyi' ya Clapton Kibonge

KANDA HANO UREBE AMASHUSHO Y'INDIRIMBO 'UBUYOGA BWA MACYE' SHIZZO AFROPAPI YAKORANYE NA SEAN BRIZZ

">






TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND