Kigali

Neymar wavunitse ku mukino wa Lyon ashobora kumara igihe kirekire adakina

Yanditswe na: SAFARI Garcon
Taliki:14/12/2020 10:19
0

Rutahizamu ukomoka muri Brazil ukinira ikipe ya Paris Saint-Germain yo mu Bufaransa, Neymar Jr do Santos, yaraye agize imvune ikomeye ku mukino batsinzwe na Lyon 1-0, ikaba isobora gutuma amara igihe kirekire ari hanze y'ikibuga.



Kuri iki cyumweru tariki ya 13 Ukuboza 2020, mu gihugu cy'u Bufaransa bakinaga umunsi wa 14 wa shampiyona izwi nka 'Ligue 1', i Parc des Princes PSG yahatsindiwe na Lyon 1-0, mu mukino Neymar yagiriyemo imvune ikomeye umukino ugana ku musozo.

Igitego cyahesheje amanota atatu ikipe ya Lyon cyabonetse li munota wa 35 w'umukino gitsinzwe na Tino Kadewere ku mupira mwiza yahawe na Karl Toko Ekambi.

Neymar wasohotse mu kibuga ku munota wa 96, yakiniwe nabi kenshi n'abakinnyi ba Lyon, aho mu nshuro eshanu batamufatishije ariko ku nshuro ya gatandatu Thiago Mendes, birangira amuvunnye mu ivi ry'ukuguru kw'ibumoso.

Uyu wahoze akinira FC Barcelona, yasohotse mu kibuga mu marira menshi ataka cyane bigaragaza ko yababaye bikomeye.

Umusifuzi wari uyoboye umukino  Benoit Bastien, yabanje gutanga ikarita y'umuhondo kuri Thiago Mendes ariko nyuma yo gusuzuma neza ikosa rya Mendes yahise amuha ikarita itukura asohoka mu kibuga.

Kuri uyu wa mbere nibwo hatangazwa igihe Neymar azamara hanze y'ikibuga, gusa haravugwa hagati y'amezi atatu n'ane.

Neymar yagize imvune ikomeye ishobora gutuma amara igihe kirekire hanze y'ikibuga

Neymar ashobora kumara amezi ane atagaragara mu kibuga

Neymar yasohotse mu kibuga atwawe ku mbago





TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND