Bashyinguye utari we! Umugabo yageze mu rugo asanga bari mu kiriyo cye bamwe amaguru bayabangira ingata

Uyu mugabo wagaragaye ku wa kane tariki ya 3 Ukuboza 2020, yitwa Osca Mithika akaba afite imyaka 23. Yasubiye mu rugo, ategereje ko umuryango uzamwakira neza, gusa asanga amarira ni yose bari mu kiriyo cye. Nyina wa Mithika, Regina Choa, yavuze ko byasabye ubutwari bwinshi kugira ngo yegere umuhungu we nyuma y'uko abantu bose baburiwe irengero bamubonye asubira mu rugo.

Osca uri hagati yagarutse mu rugo bitangaza benshi bari bazi ko yashyinguwe

Yavuze ko umuryango wavugaga ko yarohamye mu byumweru bibiri bishize. Regina ati: “Ntabwo twashoboraga kwizera n'amaso yacu igihe twamubonaga. Abantu bose bahangayikishijwe n'umutekano. Abantu barahunze bamwe bagwa hasi kuko twari tumaze kumuririra nk’uwapfuye.

Umuryango we watoraguye umurambo ku ruzi babona ni uwabo warohamye bajya kumushyingura, naho bashyinguye utari we. Regina Choa yaganiriye n'itangazamakuru avuga ko ubwoba bwamutashye ati: "Nahise mpinda umushyitsi, ndamwegera kugira ngo ndebe ko ari muzima kuko twatekerezaga ko twakuye umurambo we ku ruzi rwa Urra."

Asobanura uko byagenze, Mithika yavuze ko yavuye mu rugo ajya gushaka akazi gasanzwe i Mutuati mu Majyaruguru ya Igembe. Uyu muryango ukimara kubona Mithika agarutse mu rugo, wabimenyesheje Polisi itangira iperereza ku wari warohamye ngo bamutahure, gusa uyu muryango uzahamagarwa ku rwego rwa Nyambene kugira ngo bamenye umurambo wavumbuwe mu ruzi nyirawo.

Uyu muryango bivugwa ko wabonye umurambo ku mugezi ugaragaza neza umubiri nk'uwa Mithika. Nk’uko umuyobozi w'akarere Japhet Kaindiria abitangaza ngo uyu muryango wakoresheje KSh16,000 mu myiteguro yo gushyingura.

SRC: Zimbabwevoice