Kigali

Rwanda PL: Umunsi wa kabiri wiganjemo imikino y'ibirarane bimwe byatewe na COVID-19

Yanditswe na: SAFARI Garcon
Taliki:7/12/2020 10:38
0

Kuri uyu wa Mbere tariki ya 07 no ku wa Kabiri ku ya 08 Ukuboza 2020, shampiyona y'icyiciro cya mbere mu Rwanda irakomeza hakinwa umunsi wa kabiri, aho imikino ine yagizwe ibirarane, harimo ibiri yasubitswe kubera icyorezo cya Coronavirus.



Umukino wagombaga guhuza Rayon Sports na Bugesera FC kuri uyu wa mbere, ntabwo ukinwa kubera ko Rayon Sports iri mu kato nyuma yaho abakinnyi bayo bane basanzwemo Coronavirus nyuma y'umukino w'umunsi wa mbere banganyijemo na Rutsiro FC.

Undi mukino wasubitswe kubera Coronavirus, ni uwagombaga guhuza Police FC na Rutsiro FC, wari gukinwa kuri uyu wa mbere ukabera kuri Stade ya Kigali i Nyamirambo, ariko kuba Rutsiro yarakinnye na Rayon Sports kandi ifite abakinnyi banduye Coronavirus, nabo bagomba kubanza bagasuzumwa kugira ngo bemeze neza ko nta mukinnyi wandujwe COVID-19.

Umukino wagombaga guhuza APR FC na Gorilla FC, wasubitswe kubera ko iyi kipe y'ingabo z'igihugu yari muri Kenya mu mikino ya CAF Chmpions League, aho yasezerewe na Gor Mahia iyitsinze 3-1, bityo ikaba igomba guhabwa akaruhuko kugira ngo yitegure umukino w'umunsi wa gatatu.

Umukino wa AS Kigali na Gasogi United nawo wasubitswe kubera ko iyi kipe y'umujyi wa Kigali kuri iki cyumweru yakinaga na Orapa United muri CAF confederations Cup, binarangira inayisezereye, ikomeza mu cyiciro gikurikiyeho, bityo nayo igomba guhabwa akaruhuko ikitegura umukino w'umunsi wa gatatu.

Uko amakipe azahura ku munsi wa kabiri wa Shampiyona:

Ku wa Mbere tariki ya 7 Ukuboza 2020

⦁       Police FC vs Rutsiro FC (Wasubitswe)

⦁        Musanze FC vs AS Muhanga (Stade Ubworoherane, 15:00)

⦁        Mukura VS vs Sunrise FC (Stade Huye, 15:00)

⦁        Rayon Sports vs Bugesera FC (Wasubitswe)

⦁        Etincelles FC vs Espoir FC (Stade Umuganda, 15:00)

⦁        Gasogi United vs AS Kigali (Wasubitswe)

Ku wa Kabiri tariki ya 8 Ukuboza 2020:

⦁        Kiyovu SC vs Marines FC (Stade de Kigali; 15:00)

⦁        Gorilla FC vs APR FC (Wasubitswe)

APR FC ikubutse mu mikino Nyafurika ntabwo ikina umukino w'umunsi wa kabiri muri shampiyona

AS Kigali yasezereye Orapa ku cyumweru ntikina na Gasogi United umukino w'umunswi wa kabiri muri shampiyona

COVID-19 ivugwa mu bakinnyi ba Rayon Sports yatumye umukino wayo na Bugesera usubiklwa





TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND