Kigali
Bralirwa
-->

Ibintu 5 Diego Maradona azahora yibukirwaho

Yanditswe na: ISHIMWE Olivier Ba
Taliki:26/11/2020 8:40
0

Ububiko bw'umupira w'amaguru ku isi Diego Maradona yaraye yitabye Imana kubera ikibazo cy'uburwayi, aho yari yibereye iwabo muri Argentina. Maradona ni umwe mu bakinnyi b'ibihe byose isi yagize kandi uzahora afite ibyo yibukirwaho.



5. Umukinnyi mwiza ariko utarabaye umutoza mwiza: Byagorana kumvisha umwana ko umuntu yabaye umukinnyi ukomeye ndetse agatwara ibikombe bitandukanye agikina umupira w'amaguru ariko gutoza ntibimuhire.

Maradona yatangiye umwuga wo gutoza mu 1994 ubwo yari hafi guhagarika umupira w'amaguru. Muri uru rugendo rwaranzwe no gutsindwa, Maradona yatoje amakipe 8 arimo Textil Mandiyu yatoje mu 1994, Racing Club mu 1995, nyuma afata akaruhuko agaruka mu 2008 ahabwa ikipe y'igihugu ya Argentina kugeza mu 2010 dore ko ari na we wari uyoboye Argentina na Messi mu gikombe cy'isi cyabereye muri Afurika y'Epfo.


Maradona yahesheje igihugu cye igikobe cy'isi mu 1986

Nyuma y'umusaruro udahagije, Maradona yasezerewe mu ikipe y'igihugu ya Argentina yerekeza mu ikipe ya Al-wasl kuva 2011-2012, 2013-2017 Maradona yatoje ikipe ya Deportivo Riestra, 2017-2018 atoza ikipe Fujairah, 2018-2019 atoza ikipe ya Dorados de sinaloa, akaba yitabye Imana yatozaga Ikipe ya Gimnasia de la plata.

4.Agahigo ko kugurwa amafaranga menshi: Diego Maradona ni we mukinnyi wa mbere washyizeho agahigo ko kugurwa amafara menshi kandi mu buryo bwikurikiranya, ubwo yajyaga muri Barcelona , aradona yaguzwe amayelo Miliyoni 5 ndetse ava muri Barcelona yerekeza muri Napoli agurwa amayelo Miliyoni 6.5 amafaranga atari yarigezwe agurwa n'undi muntu mu mupira w'amaguru ku isi muri icyo gihe.


ikiganza cy'Imana 

3.Igitambo cya Argentina  mu mupira wa amaguru: Diego Maradona afatwe nk'umwe mu bakinnyi barwaniye igihugu cye, ikintu gihita kimutandukanya na Messi ushinjwa kudatanga umusaruro mu ikipe y'igihugu ya Argentina Maradoba, ubwe yigeze gutangaza ko kubona igihugu cye gitsindwa umukino ari ikintu kimubabaza kandi ko yakora igishoboka cyose ariko umwenda yambaye akawitangira.

2. Indeshyo ye n'umupira yakinaga: Diego Maradona yakinnye umupira w'amaguru mu myaka hariho Abakinnyi beza kandi barebare. Maradona yari afite metero 1 na santimetero 65 abahanga bavuka ko ari byo byatumaga atagwa hasi akabasha kwiruka ku mupira aho ugiye hose ndetse no kutaruha vuba. Maradona yari azwiho gutera imipira y'umuterekano kandi neza.


Maradona yatoje Argentina mu 2008-2010

1. Ikiganza cy'Imana: Ahantu uzumva Maradona uzanahumva igitego yatsinze Abongereza agitsindishije akaboko mu 1986. Ubwo Abongereza bahuraga na Argentina mu mikino y'igikombe cy'isi, Maradona yatsinze ibitego 2 iki gihugu harimo kimwe yatsindishije akaboko. Ubwo bari bateye umupira muremure ugana mu izamu, ubugufi bwa Maradona bwatumye atawugeraho ngo awutsindishe umutwe kandi umuzamu w'u Bwongereza yari yatangiye gusohoka. Maradona yahisemo kohereza akaboko gakora ku mupira urayoba werekeza mu izamu. Iki gitego umusifuzi yamenye ko cyatsindishijwe ukoboka umukino urangiye.

Ni byinshi uyu mugabo witabye Imana afite imyaka 60 azibukirwaho harimo gushinjwa kunywa ibiyobyabwenge, igitego yatsinze Abongereza acenze abakinnyi 5, igitego FIFA yatoye nk'icy'ikinyejana mu 2002, kuba yariyitaga Umwami wa Ruhago, kugira inama amakipe n'abakinnyi, n'ibindi byinshi.






TANGA IGITECYEREZO

Izina ryawe
Email yawe
Andika igitecyerezo


Inyarwanda BACKGROUND