RFL
Kigali

COVID-19: Moderna izobereye mu by’imiti yatangaje ko urukingo rwabo rugaragaza gukora neza ku kigero cya 94.5%

Yanditswe na: Muhawenimana Faridi
Taliki:16/11/2020 17:01
0

Urukingo ruhanzwe amaso n’abatari bake rukiri gutunganywa na Moderna Inc, byatangajwe kuri uyu wa mbere ko ruri kugaragaza imikorere myiza yo ku kigero cya 94.5%. Ni imibare itangazwa n’iyi kompanyi ikora imiti muri Leta Zunze Ubumwe za Amerika.



Byibuza abarenga miliyoni 50 ku Isi hose bamaze kwandura icyorezo cya COVID-19, naho 1.3 bakaba barabuze ubuzima ku bw’iki cyorezo kimaze mu Isi amezi arenga 10. 

Ni igihe gito gishize uyu mubumbe uhetse abarenga miriya 7 usakayeho amakuru y’uko hari urukingo ruri gutanga ikizere mu guhangana n’icyorezo cya COVID-19 cyakuye benshi mu byabo.

Amakuru akomeje kuba meza ku gihugu nka Leta Zunze Ubumwe za Amerika—ndetse n’ibindi—aho kuri uyu wambere ikigo kiza ku mwanya wa kabiri muri Amerika mu gukora imiti, cyatangaje ko urukingo kiri gukoraho rwerekanye imikorere myiza mu kurwanya COVID-19, aho biri ku kigero cya 94.5%.

Ntabwo urukingo rutanga ikizere ari urwa Moderna Inc gusa, kuko n’ikigo Pfizer Inc igaragaza ko urukingo rwabo ruri ku kigero cya 90% mu guhangana na COVID-19. Biratekerezwa ko mu kwezi turimo kuganamo (Ukuboza) Amerika yaba ifite urukingo. Ni mu gihe kandi no mu mwaka utaha haba hamaze kuboneka imiti (dose) zirenga miriyali 1.

Inyigo z’uru rukingo zakorewe cyane ku bakuze muri Amerika bagera ku 30,000. Bikaba bigaragazwa ko hari ikizere ko urukingo rwakora neza ku bagezweho n’iki cyorezo cyane. Moderna yo yizeye ko mu cyumweru gitaha hazaba hamaze kuboneka amakuru ku mikorere y’uru rukingo, akenerwa ngo rube rwakemezwa ngo rukoreshwe.

Ibihugu nk’u Bushinwa n’u Burusiya byo byamaze gutangira gutanga inking, cyane ko u Burusiya bwo bwamaze kwemeza urukingo ‘Spuntnik-V’, rukoreshwa mu gihugu imbere kuva muri Kanama. U Burusiya bwatanageje ejobundi ko urukingo rwabo rukora neza ku kigero cya 92%.

Src: Reuters






TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND