RFL
Kigali

RURA yahinduye ibiciro by'ingendo rusange hashingiwe ku byemezo by'inama Minisitiri w'Intebe yagiranye n'inzego zitandukanye

Yanditswe na: Mupende Gedeon Ndayishimiye
Taliki:21/10/2020 20:53
1


Urwego Ngenzuramikorere (RURA) rwatangaje ko rwahagaritse ibiciro by'ingendo rusange byari byatangajwe tariki 14 Ukwakira 2020. Ihagarikwa ry'ibi biciro ryemejwe n'inama yahuje Minisitiri w'Intebe n'inzego zitandukanye.



Ku mugoroba w'uyu wa Kane tariki 21 Ukwakira 2020 ni bwo RURA yatangaje ihagarikwa ry'ibi biciro. RURA yavuze ko ibi biciro bihagaritswe mu gihe hagisuzumwa uko ubukungu bugenda bwisuganya muri ibi bihe by'icyorezo cya Coronavirus. Yunzemo iti "Muri iki gihe Leta izatanga ubwunganizi ku giciro cy'ingendo mu rwego rwo kunganira abagenzi kubera ingaruka z'ihungabana ry'ubukungu ryatewe na Coronavirus".

Ni muri urwo rwego ibiciro by'ingendo rusange byahinduwe, ibiciro bishya bikazatangira kubahirizwa guhera kuri uyu wa Gatanu tariki 23 Ukwakira 2020. Ibiciro bishya biteye ku buryo bukurikira:

1. Ingendo zihuza intara: 21 Frw/kuri Km/ku mugenzi 

2. Ingendo zo mu mujyi wa Kigali: 22 Frw/kuri Km/ku mugenzi 



RURA yahinduye ibiciro by'ingendo rusange hashingiwe ku byemezo by'inama Minisitiri w'Intebe yagiranye n'inzego zitandukanye






TANGA IGITECYEREZO

Izina ryawe
Email yawe
Andika igitecyerezo

IBITECYEREZO

  • Ndayizeye Erneste3 years ago
    Turashimira RURA yumvise ibyifuzo by'abanyarwanda igasubizaho ibiciro by'ingendo nkuko byahoze mbere ya Covide 19!Gusa shoferi akomeze kugira uruhari rukomeye mukurwanya iki cyorezo yibutsa abo atwaye kwambara mask no gukaraba mbere yo kwinjira mu modoka na nyuma yo kuyivamo!!





Inyarwanda BACKGROUND