Umudage utoza ikipe ya Liverpool yo mu Bwongereza, Jurgen Klopp, yongeye kugaragaza impungenge ikipe ye ifite mu mikino bagiye gukina batamufite mu Bwugarizi, nyuma yo kuvunikira mu mukino w'abakeba 'Merseyside Derby' Liverpool yanganyije na Everton 2-2 ku wa Gatandatu.
Mu mukino w'umunsi wa Gatanu muri premier League wakinwe ku wa Gatandatu tariki 17 Ukwakira 2020, ubera ku kibuga Goodison Park cya Everton, yahanganyirije na mukeba Liverpool 2-2, biyifasha gukomeza kuyobora urutonde rwa shampiyona n'amanota 13 mu mikino 5.
Ntabwo uyu mukino wagenze neza kuri myugariro wa Liverpool Virgilvan Dijk kuko nyuma y'iminota 11 y'umukino gusa, yasohotse mu kibuga nyuma yo kugongana n'umunyezamu Jordan Pickford wa Everton.
Virgil ntiyagarutse mu kibuga kuko yahise asimburwa na Joseph Gomez.
Uyu muholandi w'imyaka 29 y'amavuko ufatiye runini ubwugarizi bwa Liverpool ashobora kumara ibyumweru bitatu kugeza ku kwezi atagarutse mu kibuga kubera imvune yagize.
Umutoza wa Liverpool Jurgen Klopp yatangaje ko bazamutegerezanya amatsiko menshi kugeza igihe azagarukira mu kibuga.
Yagize ati"Tuzamutegereza nk'umugore utegereje umugabo we uri mu buroko".
Virgil yageze muri Liverpool mu 2018 avuye muri Southampton, kuva yagera muri iyi kipe yayibereye umuyobozi mu bwugarizi, ayifasha kwegukana ibikombe bitandukanye birimo icya Premier League begukanye umwaka ushize nyuma y'imyaka 30 byarananiranye, ndetse na UEFA Champions League 2018/19.
Virgil kande yahawe igihembo nk'umukinnyi w'umwaka muri Premier League mu 2018/19.
Ntabwo haratangazwa igihe fatizo myugariro Virgil Van Dijk azamara hanze y'ikibuga kubera iyi mvune.
Virgil yavunikiye mu mukino wa Everton wabaye ku wa Gatandatu
Umunyezamu Pickford niwe wavunnye Virgil
Imvune ya Virgil ishobora gutuma amara ibyumweru hejuru ya bibiri atagaragara mu kibuga
Eng
RSS 
TANGA IGITECYEREZO