Will Paul yanze kurwana na Shakib Cham wa Zari ahamagaza Diamond

Nyuma yo gutsindwa mu mukino wa “celebrity boxing” yakinnyemo na Rickman, ikiganiro cya Shakib Cham ahamagara abahanzi b’Abanyakenya barimo Willy Paul na Khaligraph Jones ngo barwane mu mukino wa “Celebrity Boxing”, cyakwirakwijwe ku mbuga nkoranyambaga kigera ku batumirwa.

Ubwo yari mu kiganiro cya Three Truths No Lie Podcast, Willy Paul yahise yanga byihuse igitekerezo cyo kurwana na Shakib Cham avuga ko ari umufana ukomeye wa Shakib Cham kandi ko amwubaha.

Yongeyeho ko bitaba ari byiza ko barwana, kuko umugore wa Shakib, Zari Hassan, ari umufana ukomeye w’umuziki we. Yagize ati “Ndi umufana wawe ukomeye cyane, muvandimwe, sinkekeranya ibyo kuko umugore wawe ari umufana wanjye ukomeye cyane.”

Yongeyeho ko umuntu wenyine yemera kurwana na we ari Diamond Platnumz. Ati “Umuntu wenyine ntakunda mu muryango wawe ni uriya wundi wiyita ‘Intare.’ Ni we wenyine ntakunda,”

Diamond Platnumz niwe wabyaranye na Zari Hassan ndetse akaba akunze kwiyita “Simba” bisobanuye intare.

Ku wa Gatandatu w’icyumweru gishize ni bwo Derrick Ddungu wamamaye nka Rickman Manrick akaba yaranakundanye na Sheilah Gashumba igihe kirekire, yakubise ndetse atsinda Shakib muri round ya kabiri ubwo yamuhondaguraga ingumi zo mu mutwe no mu gatuza undi akagwa hasi.

Mu cyumweru gishize, Shakib Cham yakubiswe na Rickman Manrick kuri round ya kabiri

Will Paul yavuze ko yanga Diamond Platnumz ariwe barwana

Diamond yatumijwe na Will Paul mu mukino wo kurwana