Ku munsi w'ejo ku Cyumweru ni bwo muri Petit Stade i Remera hakinwe imikino ya nyuma ya Kamarampaka ya shampiyona haba mu bagabo n'abagore dore ko ibiri ya mbere itari yigeze ikiranura amakipe.
Habanje umukino wa nyuma wa kamarampaka mu bagore aho Police WVC yahuriye mu kibuga na APR WVC. Police WVC yaje muri uyu mukino ubona iri hejuru ndetse ihita yegukana Iseti ya mbere ku manota 25 kuri 23.
Ikipe y'Ingabo z'igihugu mu mukino wa Volleyball y'Abagore yaje mu Iseti ya kabiri yikubita agashyi ubundi iyegukana ku manota 25 kuri 23.
Iseti ya 3 Police WVC yongeye gusubira mu bintu byayo iyegukana ku manota 25 kuri 23 ndetse bina arinako bigenda mu ya 4 aho yo yayugakanye ku manota 25 kuri 22 iba yegukanye igikombe gutyo.
Umukino wari utegerejwe n'abenshi dore ko Petit Stade yari yakubise yuzuye,wari uwa APR VC na Police VC.
Nyuma y'uko Police VC yari yegukanye umukino wa mbere gusa ku munsi w'ejo APR VC ikayigaranzura hari hitezwe kurebwa igikurikiyeho.
Police VC yegukanye Iseti ya mbere ku manota 26 kuri 26 ndetse aba arinako ibikora mu iseti ya kabiri.
Ibintu byahise bihindura isura ubundi APR VC yegukana iseti ya 3 irusha Police VC cyane aho yayitwaye ku manota 25 kuri 17 naho Iseti ya 4 yo iyegukana ku manota 25 kuri 15.
Mu Iseti ya kamarampaka (Seoul) nabwo ikipe y'Ingabo z'igihugu yakomeje kwitwara neza ndetse birangira nayo iyitwaye ku manota 18 kuri 16 ubundi ihita yegukana igikombe cya shampiyona ya Volleyball mu bagabo ku ntsinzi 2 kuri imwe ya Police VC.
Ni mu gihe umwanya wa 3 wo wegukanywe na REG VC mu bagabo naho mu bagore ukegukanwa na RRA VC.
APR VC yegukanye igikombe cya shampiyona mu bagabo
Police yegukanye igikombe cya shampiyona ya Volleyball mu bagore
Kapiteni wa APR VC ashyikirizwa igikombe