Vladimir Putin yemeye ibiganiro by’amahoro na Leta ya Ukraine

Putin yavuze ko nta shingiro na rimwe cyangwa amananiza ashyize imbere. Uyu mwanzuro uje nyuma y’uko abayobozi bo mu Burayi barimo Macron, Sunak, Scholz na Tusk bahuriye na Zelensky i Kyiv, bakamusaba kohereza ubutumwa bugenewe Putin bugira buti "Dufite ibyumweru bitatu byo guhitamo amahoro cyangwa ibihano."

Trump na we ntiyasigaye inyuma. Yagize ati: “Uyu munsi ushobora kuba igitekerezo cy’icyizere hagati ya Ukraine n’u Burusiya. Ndakomeza guhagurukira ibi biganiro.”

Umuvugizi wa Kremlin, Dmitry Peskov, yavuze ko Russia idashobora kugandukira igitutu, ndetse nubwo Putin yemera agahenge mu buryo rusange, ngo hari byinshi “bitarasobanuka”.

Ukraine ivuga ko ishaka agahenge k’iminsi 30 kadategereje ibindi bisobanuro. U Burusiya bwo busubiza ko bwemera igitekerezo ariko ngo hari “ibintu byihariye” bigomba kubanza gukemurwa.

Putin avuga ko ibi biganiro bitagamije gutiza umurindi intambara ahubwo bigamije gukemura intandaro z’intambara no kugera ku mahoro arambye.

Mu gihe Ukraine n’inshuti zayo zo mu Burayi zikomeje gusaba agahenge, ubuyobozi bwa Trump nabwo buvuga ko nibitagira icyo bitanga, Amerika izava mu biganiro. Peskov yagaragaje ko bashimira uruhare rwa Amerika ariko yongeraho ko “nubwo ari umuhuza, igitutu ntacyo kizageraho.”

Putin yemeye kujya mu meza y'ibiganiro na Ukraine byo guhagarika intambara 

Intambara y'u Burusiya na Ukraine imaze imyaka itatu irengaho