Victony wafashwaga na ka manyinya ku rubyiniro yaciye ukubiri n’inzoga

Ubwo yari muri The Plestige Podcast, Anthony Ebuka Victor uzwi ku izina rya Victony, aherutse kwemeza ko nta na rimwe arajya ku rubyiniro atanyoye ibisindisha ngo bimufashe gususrutsa abakunzi be yumva ameze neza.

Gusa nanone yongeyeho ko kunywa itabi yabiretse, bityo akaba yarateganyaga gutangira urugendo rwo kureka n’ibisindisha haba ari igihe agiye kujya ku rubyiniro ndetse no mu buzima busanzwe. Yagize ati: ”Natangiye mu mezi abiri ashize kandi ni byiza. Ndashaka no kureka inzoga.”

Mu butumwa yanyujije ku rukuta rwe rwa X yahoze ari twitter, Victony yagaragarije abakunzi be ko inzoga nazo yamaze kuzireka, aho amaze amezi atatu nta gisindisha kinyura mu muhogo we.

Victony uri kwitegura ibitaramo bizenguruka mu duce dutandukanye, afite gahunda yo gutaramira abakunzi be bwa mbere atanyoye itabi n’inzoga, akajya ku rubyiniro arimuzima 100% bitandukanye n’uko byari bisanzwe.

Victony yaciye ukubiri n'inzoga n'itabi