Umuyobozi Mukuru w’Ikigo cy’Igihugu gishinzwe Ibizamini n’Ubugenzuzi bw’Amashuri (NESA), Dr Bernard Bahati, yagaragaje ko muri rusange abanyeshuri bakoze neza ugereranyije n’umwaka ushize.
Muri aba banyeshuri bagaragaje umusaruro ukomeye harimo abigaga muri General Education, Professional Education na Technical Secondary Education, aho buri cyiciro cyagize abacyegukanye ku manota ari hejuru.
Abahize abandi muri General Education
Mu cyiciro cya General Education, abanyeshuri batatu ni bo baje ku isonga mu mashami atandukanye arimo Arts and Humanities, Languages na Sciences.
Umwali Deborah, wigaga HLP muri Cornerstone Leadership Academy - Rwanda mu Karere ka Rwamagana, ni we waje ku isonga mu ishami rya Arts and Humanities, aho yagize 97.52%.
Mu ishami rya Languages, uwahize abandi ni Habumugisha Samuel, wigaga LFK muri Education Institute for Blind Children Kibeho, mu Karere ka Nyaruguru. Yagize 93.53%.
Mu Sciences, umwanya wa mbere wegukanywe na Manzi Nshuti Kabanda Brave, wigaga MCB muri Petit Seminaire St Aloys mu Karere ka Rusizi, wagize 98.40%.
Abahize abandi muri Professional Education
No mu cyiciro cy’Amashuri ya Professional Education, abanyeshuri bagaragaje umusaruro ukomeye mu mashami atandukanye.
Mu Professional Accounting, uwa mbere ni Umukundwa Henriette, wigaga ACC muri ACEJ Karama mu Karere ka Muhanga, aho yagize 95.23%.
Mu Associate Nursing Program, uwahize abandi ni Uwingabire Christine, wigaga ANP muri GS Saint Aloys mu Karere ka Rwamagana. Yagize 93.72%.
Mu ishami rya TTC Early Childhood and Lower Primary Education, uwa mbere ni Isubirizigihe Gilbert, wigaga ECLPE muri TTC Kabarore mu Karere ka Gatsibo, aho yagize 91.41%.
Mu TTC Languages, uwa mbere ni Uwikunda Justine, wigaga LE muri TTC Rubengera mu Karere ka Karongi. Yagize 94.55%.
Mu TTC Science and Mathematics, uwahize abandi ni Ngirumugenga Aaron, wigaga SME muri TTC Save mu Karere ka Gisagara, aho yagize 94.27%.
Mu TTC Social Studies, uwa mbere ni Irakoze Pacome, wigaga SSE muri TTC Rubengera mu Karere ka Karongi. Yagize 95.93%.
Abahize abandi muri Technical Secondary Education
Mu cyiciro cy’Amashuri ya Tekiniki (Technical Secondary Education), abanyeshuri bahize abandi bagaragaye mu myuga itandukanye irimo ubuhinzi n’inganda zitunganya ibiribwa, ubwubatsi, ikoranabuhanga, ingufu, ubukerarugendo n’ubwikorezi.
Mu Agriculture and Food Processing, uwa mbere ni Abayisengabarahirwa Henriette, wigaga ANH muri Kisaro TVET mu Karere ka Rulindo, aho yagize 92.77%.
Mu Construction and Building Services, uwa mbere ni Rugano Patrick, wigaga LSV muri Nyanza TSS mu Karere ka Nyanza, wagize 94.30%.
Mu Craft and Recreational Arts, uwahize abandi ni Umunyurwa Karangwa Naomie, wigaga FPA muri Ecole d'Art de Nyundo mu Karere ka Rubavu, aho yagize 94.74%.
Mu Energy, uwa mbere ni Hagenimana Fabrice, wigaga ELT muri Mibilizi Saint Augustin TVET mu Karere ka Rusizi, wagize 93.35%.
Mu Hospitality and Tourism, uwa mbere ni Bigirimana Patrick, wigaga TOR muri MIPC mu Karere ka Musanze. Yagize 93.15%.
Mu ICT and Multimedia, uwahize abandi ni Gasaro Ishimwe Emelyne, wigaga SOD muri APEKI Tumba mu Karere ka Rulindo, aho yagize 94.44%.
Mu Manufacturing and Mining, uwa mbere ni Niyonizera Olivier, wigaga MAT muri Institut Don Bosco Kabarondo TSS mu Karere ka Kayonza. Yagize 90.71%.
Mu Technical Services, uwahize abandi ni Mugwaneza Manzi Patrick, wigaga ETE muri Saint Laurent de Gaseke TVET School mu Karere ka Gicumbi, aho yagize 87.44%.
Mu Transport and Logistics, uwa mbere ni Gisubizo Benjamin, wigaga AUT muri Cyumba TSS mu Karere ka Gicumbi. Yagize 92.76%.
Uyu mwaka abanyeshuri bitwaye neza kurusha umwaka washize
Muri rusange, abanyeshuri bakoze ibizamini bya Leta bisoza amashuri yisumbuye mu mwaka wa 2025/2026 batsinze ku kigero cya 94%.
Dr Bernard Bahati, Umuyobozi Mukuru wa NESA, yavuze ko iyo mitsindire igaragaza ko abanyeshuri muri rusange bakoze neza ugereranyije n’umwaka ushize.
Aba banyeshuri 18 bahize abandi mu byiciro bitandukanye bagaragaje ubuhanga ndetse bahagararira bagenzi babo. Intsinzi yabo kandi ishimangira uruhare rw’abanyeshuri ubwabo, abarimu, ababyeyi n’ibigo by’amashuri mu gufasha urubyiruko kugera ku musaruro mwiza mu myigire.