Mu mukino w'ishiraniro w'umunsi wa 11 wa Rwanda Premier League, Police FC igiye kwakiramo Gasogi United kuri uyu wa Gatanu saa 15:00 kuri Kigali Pele Stadium. Kuri uyu wa kane KNC yasuye abakinnyi be mu myitozo ndetse abasaba ko bagomba gutsinda Police FC kugira ngo bakomeze bazamuke ku rutonde rwa Shampiona.
Ibi byaturutse ku kuba Gasogi United imaze imikino ibiri yikurikiranya itsindwa, harimo uwo batsinzwe na Al Hilal ibitego 2-0 n'uwo batsinzwe na Marine FC ibitego 2-0 kuri Kigali Pele Stadium, nyamara mbere y'iyo mikino Gasogi United yari imaze imikino ine yose yikurikiranya itsinda.
Kakooza Nkuliza Charles yemeje ko uyu mukino ari igipimo cyiza ndetse cyerekana ko Police FC ishobora gutwara Igikombe cya Shampiyona nk'uko bamwe mu bakinnyi b'ikipe y'Igipolici cy'u Rwanda babitangaje. Yagize ati: "Uyu munsi, ni bwo tugiye kureba ko Police FC izatwara iki Gikombe, gusa muri iyi minsi irimo kugaragaza ibimenyetso by'ikipe inaniwe."
Nyuma yuko Police FC inganyije na Al Hilal Omdurman ubusa ku busa, rutahizamu Byiringiro Lague uri mu bakinnyi barimo kwitwara neza muri Shampiyona, yatangaje ko ntagisibya Igikombe cya Shampiyona cy'uyu mwaka ari icya Police FC.
Ati: "Ntabwo nakinnye kubera amakarita atatu y'umuhondo, ariko yabikoze kandi twizeye ko Igikombe cya Shampiyona tuzagitwara. Oya, hari amakipe akomeye mu Rwanda ariko Police ni yo kipe ifite byose haba n'abakinnyi beza."
Police FC ya Ben Moussa iri ku mwanya wa mbere n'amanota 23 mu mukino 11 imaze gukina, irakira Gasogi United iri ku mwanya wa 4 n'amanota 18. Mu mikino 10 iheruka guhuza aya makipe, Police FC yatsinze imikino itandatu banganya imikino ibiri, Gasogi United yatsinze ibiri.