Manchester City niyo yinjiye mu mukino mbere mu gihe Liverpool yo yatangiye ihuzagurika. Ku munota wa 9 Manchester City yabonye penariti ku ikosa umunyezamu Giorgi Mamardashvili yakoreye Jeremy Doku. Yatewe na Erling Haaland, umunyezamu ayikuramo.
Manchester City yakomeje kwatsa umuriro imbere y’izamu rya Liverpool, birangira ikibonye ku munota wa 29 gitsinzwe na Erling Haaland ku mupira wazamuwe na Matheus Nunes, ubundi ashyiraho umutwe.
Nyuma yo gufungura amazamu, City yagabanyije umuvuduko Liverpool nayo itangira kugera imbere y’izamu ndetse hari aho Virgir yari atsinze igitego ku mupira wavuye muri koroneri, ariko Robertson wari warariye atuma cyangwa n'umusifuzi.
Ku munota wa 45+3 Manchester City yabonye igitego cya kabiri gitsinzwe na Nico Gonzalez ku ishoti yateye ari inyuma y’urubuga rw’amahina, ubundi umupira ukora ku birenge bya Virgir ujya mu nshundura
Mu gice cya kabiri, Liverpool yaje igerageza kureba uko yakwishyura gusa bikomeza kwanga. Ku munota wa 63 Manchester City yatsinze igitego cya gatatu ku mupira Nico O’Reilly yahaye Jeremy Doku arekura ishoti ari inyuma y’urubuga rw’amahina rijya mu izamu.
Umukino warangiye Manchester City itsinze ibitego 3-0. Manchester City yahise ijya ku mwanya wa kabiri n’amanota 22 aho irushwa amanota ane na Arsenal iri ku wa mbere mu gihe Liverpool yo yagiye ku wa 7 n’amanota 18.
Manchester City yatsinze Liverpool ibitego 3-0 mu mukino w'ishiraniro