MTN irashishikariza abakiriya bayo guhinduza Sim Card za 3G bakajya kuri 4G+

MTN Rwanda yatangiye gukoresha imiyoboro yayo bwite ya 4G LTE ku itariki ya 23 Nyakanga 2023. Ibi byabaye nyuma y’uko Leta y’u Rwanda ikuyeho uburenganzira bwihariye bwari bufitwe na Korea Telecom Rwanda Networks (KTRN), bwatumaga ari yo yonyine itanga serivisi za 4G mu gihugu.

Kuva icyo gihe, MTN Rwanda yagiye itanga serivisi nziza mu gucuruza internet yihuta kandi ku giciro kidakangaranye ndetse bayikwirakwiza hirya no hino mu gihugu.

Mu kiganiro uwari umuyobozi wa MTN Rwanda aherutse kugirana n’itangazamakuru, yasobanuye ko internet iri ku muvuduko wa 4G+ imaze gukwira igihugu cyose ku kigero cya 87%.

Iyi internet iri ku muvuduko ukubye inshuro 10 internet ya 3G akaba ariyo mpamvu mu rwego rwo guha ibyiza abakiriya ba MTN Rwanda bashishikarizwa gukora swap ya Sim Card za 3G hanyuma bagahabwa sim card zishobora kwakira 4G+.

Icyo umukiriya asabwa ni ugukanda *456*1# hanyuma akareba niba telefone ye ibasha kwakira internet ya 4G+.

Mu gihe ubonye telefone yawe ishobora kuyakira, ihutire kujya gukora Swap mu gihe Sim Card yawe itangire kwakira 4G+.

Ku muntu uri kugana service centre za MTN, Conncet Shop agakoresha swap, ahabwa 30GB z’ubuntu mu rwego rwo kumuha ikaze kandi akaba abikorerwa nta kiguzi asabwe.