Mu kiganiro yakoze imbona nkubone kuri Instagram,
Miss Naomie yagaragaje ko atishimye na gato, anagaragaza ko atazihanganira
umuntu ugerageza gutesha agaciro umukunzi we.
Yagize ati: “Yajya hehe mujye mumureka kandi igihe
muzajya mumubona, mujye mufunga umunwa. Icyo nzabafasha, ni ukubagurira ‘Super
Glue’, nimujya mumureba nijoro mujye muceceka. Ariko kuri njye rwose mwemerewe
kuvuga ibyo mushaka? Numvise muvuga ko akennye!”
Yongeyeho ko nubwo abantu bashobora kumuvugaho ibyo
bishakiye, adashobora kwemera ko bavogera ubuzima bw’umugabo we. Yavuze ko
Tesfay atigeze agaragara asabiriza, bityo nta mpamvu n’imwe abantu bakwiriye
gukomeza kumucira urubanza.
Ati: “Mwigeze mumubona aza hano ku mbuga
nkoranyambaga asabiriza? Nigeze nza hano ku mbuga nkoranyambaga mvuga ko hari
ibitagenda kuri we? Oya, rero mumundekere. Ubundi ko mubereka naramubahaye? Ni
uwanjye. Iyo nza kumushyira hano ku mbuga nkoranyambaga, hari ubwo nza mvuga ngo
mumutware? Oya. Iyi ni isura y’umuntu wishimye, utari guhangana n’ibibazo.”
Umukunzi wa Naomie batangiye kumwita umukene nyuma yo kumubona mu modoka ya rusange