Mu itangazo MINALOC yashyize ahagaragara, yamenyesheje abaturage ko ibikorwa by’umuganda byari biteganyijwe kuri iyo tariki bizasimburwa n’ibikorwa bijyanye n’amatora ku rwego rw’Akagari.
Iri tangazo rigira riti: “Minisiteri y’Ubutegetsi bw’Igihugu iramenyesha ko itariki ya 31/10/2026 yari kuzaberaho umuganda, abaturage bazitabira ibikorwa bijyanye n’amatora y’Inzego z’Ibanze by’umwihariko ku rwego rw’Akagari.”
Yakomeje ivuga ko amatora y’inzego z’ibanze ari ingenzi mu gutuma abaturage bagira uruhare mu miyoborere no gukurikirana imitegekere y’inzego zibegereye.
Yashimangiye ko inzego z’ibanze zirimo Akagari zifite uruhare mu kumenyesha abaturage amakuru, kubahuza no kubafasha kugira uruhare mu bikorwa bibateza imbere.
Ibi bivuze ko abaturage bari biteguye kwitabira umuganda rusange wo ku wa 31 Ukwakira 2026 bagomba kwitabira ibikorwa by’amatora ku rwego rw’Akagari, nk’uko byatangajwe na Minisiteri y’Ubutegetsi bw’Igihugu.
