Kuwa Kane saa yine z'ijoro ni bwo hakinwaga imikino yo kwishyura ya 1/4 cya UEFA Europa League nyuma y'uko hari harangijwe iya Champions League. Kuri Old Trafford, Manchester United yari yakiriye Lyon mu mukino wari uryoheye ijisho bijyanye n'ibitego byinshi byawubonetsemo.
Ikipe y'amashitani atukura yari imbere y'abafana bayo niyo yafunguye amazamu hakiri kare ku munota wa 10 ku gitego cya Manuel Ugarte ahawe umupira na Alejandro Garnacho. Iyi kipe yaje kubona igitego cya 2 ku munota wa 45+1, yabonye igitego cya kabiri gitsinzwe na Diogo Dalot ahawe umupira na Harry Maguire.
Mu gice cya kabiri Lyon yaje gushaka uko yakwishyura ari nako ikora impinduka mu kibuga hajyamo abarimo Lacazette wari wabanje hanze y'ikibuga. Ku munota wa 71 Tolisso yaje gufungura amazamu ahawe umupira na Lacazzete ubundi nyuma y'iminota 7 iyi kipe ibona igitego cya 2 cyo gitsinzwe na Tagliafico.
Lyon nubwo yari imaze kwishyura ku munota wa 89 umukinnyi wayo Corentin Tolisso yabonye ikarita ya kabiri y'umuhondo bibyara umutuku ariko n'ubundi Manchester United ntiyabibyaza umusaruro umukino urangira ari ibitego 2-2 nyuma y'uko n'ubundi ubanza wari warangiye ari 2-2.
Hahise hitabazwa iminota 30 y'inyongera ubundi Lyon ibona igitego cya 3 ku munota wa 105 gitsinzwe na Rayan Cherki. Bidatinze Lacazatte yatsinze icya 2 kuri penariti.
Manchester United yakoresheje imbaraga zidasanzwe kugira ngo irebe ko yakwishyura ubundi ku munota wa 110 iza kubona penariti yinjizwa neza na Bruno Fernandes. Ku wa 121 Kobbie Maino yatsinze icya 4 naho Harry Maguire aza gutanga intsinzi akoresheje umutwe ku mupira yahawe na Casemiro. Umukino warangiye Manchester United itsinze Lyon ibitego 5-4 ikomeza muri 1/2 gutyo.
Indi mikino yakinwe Athletic Club yatsinze Rangers, Eintracht Frankfort itsindwa na Tottenham Hotspur 1-0 naho Lazio itsinda Bodø/Glimt 3-1. Andi makipe yakomeje muri 1/2 ni Tottenham Hotspur, Athletic Club na Bodø/Glimt.
Muri 1/2 cya UEFA Europa League ikipe ya Manchester United izakina na Athletic Club naho Tottenham Hotspur ikine na Bodø/Glimt.
Harry Maguire yatabaye Manchester United