Amakuru yatangajwe na Reuters avuga ko amasezerano akubiyemo kugura hagati ya misile 300 na 400 zo mu bwoko bwa QW-12 na FN-16, zifite agaciro kari hagati ya miliyoni 60 na 70 z'Amadolari ya Amerika. Aya masezerano bivugwa ko yasinywe binyuze muri sosiyete yo muri Hong Kong yakoraga nk'umuhuza hagati y'impande zombi.
Minisiteri y'Ububanyi n'Amahanga y'u Bushinwa yahakanye ayo makuru, ivuga ko nta shingiro afite, mu gihe Pakistan na yo yahakanye ibivugwa ko izakoreshwa nk'inzira yo kugeza izo ntwaro muri Iran.
Izi misile zifite ubushobozi bwo kurasa indege ziguruka hasi, kajugujugu n'indege zitagira abapilote (drones), bikaba bivugwa ko zizafasha Iran kongera ubwirinzi bw'ibikorwaremezo byayo n'ibigo bya gisirikare.