Imijyi 10 ituwe n’abaherwe benshi ku Isi mu mwaka wa 2026

Kuba imijyi myinshi yo mu Bushinwa no ku mugabane w’Aziya iri mu ya mbere ku isi ifite ba miliyaderi benshi, ni ikimenyetso cy'uko ibi bihugu bifite ubukungu bukomeje gukura ku muvuduko wo hejuru.

Uretse kuba bifite amasoko manini y’abaguzi, byanabaye ibigo bikomeye by’inganda, ikoranabuhanga n’ishoramari, ibintu bituma havuka ibigo byinshi bifite agaciro kanini ndetse n’abaherwe benshi. 

Nk’uko raporo y’ikigo cya Hurun Research Institute, ibigaragaza imijyi iyoboye ku isi mu kugira umubare munini w’abaherwe mu mwaka wa 2026.

Ku rwego rw’isi, uru rutonde rugaragaza ko imbaraga z’ubukungu zitakiri mu bihugu byo mu Burengerazuba gusa nk’uko byari bisanzwe. Nubwo New York ikomeje kuyobora, kuzamuka kw’imijyi nka Shenzhen, Shanghai na Beijing kugaragaza ko Aziya iri gufata umwanya ukomeye mu kurema ubutunzi no kuyobora ibikorwa by’ubucuruzi n’ishoramari ku isi.

Gusa, nubwo kwiyongera kw’abaherwe ari ikimenyetso cy’ubukungu bukomeye, abasesenguzi bavuga ko bishobora no kugaragaza ukwiyongera kw’icyuho hagati y’abakire n’abakennye.

Bityo, ibihugu bifite abaherwe benshi bisabwa gukomeza gushyira imbaraga muri politiki zituma inyungu z’iterambere zigera ku baturage benshi, aho kuguma mu maboko y’itsinda rito ry’abakire.