Ubuyobozi
bw’iyi kipe bushobora gusimbuza umutoza mukuru, aho umwe mu bahabwa amahirwe yo
kumusimbura ari Gerardo "Tata" Martino, wahoze atoza ibihangange nka
FC Barcelona na Inter Miami.
Uyu
mutoza w’Umunya-Argentine afite amateka akomeye mu mupira w’amaguru, cyane
cyane kubera uko yatoje Lionel Messi na Neymar Jr mu makipe anyuranye. Kuri
ubu, amazina ye yagaragaye ku rutonde rw’abashobora kwicara ku ntebe y’ubutoza
bwa Santos, nyuma y’uko ikipe igaragaje intege nke mu mikino ya mbere ya
shampiyona.
Mu mikino itanu ya mbere ya Serie A, Santos yatsinzwe inshuro eshatu, inganya rimwe, itsinda rimwe. Iyi ntsinzi imwe niyo yonyine yatanze akanyamuneza gake, ariko nako kakicwa n’imvune nshya ya Neymar Jr, wabaye nk’uwagarutse nabi.
Uyu
mukinnyi w’igihangange yongeye kuvunika imitsi mu mukino Santos yatsinzemo
Atletico-MG, bikaba byarateye impungenge abakunzi b’iyi kipe.
Santos
ubu iri ku mwanya wa 18 mu makipe 20, bivuze ko iri mu makipe ashobora kumanuka
mu cyiciro cya kabiri, niba ibintu bidahindutse vuba.