Umunsi
w’abantu batagira abakunzi – Singles’ Day
Uyu
munsi watangiye mu Bushinwa mu mwaka wa 1993, ubwo abanyeshuri ba Kaminuza ya
Nanjing bashakaga umunsi wo kwizihiza ubuzima bw’abatagira abo bakundana.
Batangiye kuwita “Double 11” kubera ko uhuje itariki 11/11, isobanura abantu
bane bonyine (1+1+1+1).
Nyuma
y’imyaka mike, Singles’ Day yahindutse umunsi ukomeye w’ubucuruzi ku isi yose,
aho amaduka yo kuri interineti atanga ibiciro byihariye n’igabanyirizwa,
bikarushaho gusigura ko “no kuba uri wenyine bishobora gukurura ibyishimo
n’amahirwe”.
Kuri
ubu, ibigo bikomeye nka Alibaba, Amazon, n’andi masoko yo kuri internet bikora
ubucuruzi bwibumbira ku munsi wa 11/11, bikarenga n’ubucuruzi bukorwa ku munsi
wa Black Friday.
Umunsi
w’Ihagarikwa ry’Intambara ya Mbere y’Isi – Armistice Day
Uretse
kuba ari umunsi w’abatagira abo bakundana, ku isi hose kandi wizihizwa
nk’Umunsi w’Ihagarikwa ry’Intambara ya Mbere y’Isi, aho ku wa 11 Ugushyingo
1918, abasirikare b’u Budage n’u Bufaransa basinye amasezerano y’amahoro yasoje
iyo ntambara yari imaze imyaka ine.
Mu bihugu byinshi birimo u Bwongereza, Ubufaransa, Canada, Australia n’u Butaliyani, uyu munsi witabirwa n’abayobozi bakuru b’igihugu n’abaturage, aho bunamira abaguye mu ntambara ndetse bakibuka n’abarokotse izindi ntambara.
Uyu munsi, ni umunsi mukuru wo kuzirikana abantu badafite abakunzi ndetse n'umunsi wo kwizihiza igihe intamabara ya mbere y'Isi yahagarikiwe