Ibihugu 10 biza ku isonga muri Afurika mu kugira umuvuduko mu bwiyongere bw’umusaruro mbumbe (GDP) muri 2025

Akamaro k’ubwiyongere bwa GDP ntigashobora kuvugwa ngo karangire, bifasha mu gutuma akazi kiyongera ku baturage, abashoramari bakiyongera mu gihugu, ndetse ubukungu bukarushaho gutumbagira.

Kwiyongera mu bukungu bituma iterambere rirushaho kwiyongera ndetse ikigero cy’ubukene kikagabanuka kuko abaturage babona akazi ku bwinshi. Ni mugihe ubucuruzi butera imbere kandi inyungu zikiyongera, abakozi bakunze no kongererwa umushahara, ndetse ishoramari rikoyongera.

Raporo ya Africa Pulse iherutse gusohorwa na Banki y'Isi ivuga ko biteganijwe ko ibikorwa by'ubukungu muri Afurika yo munsi y'Ubutayu bwa Sahara bizava kuri 3.3% mu 2024 bikagera kuri 3.5% muri 2025 na 4.2% muri 2026.

Ni mu gihe kandi iyi raporo n’ubwo yerekana iterambere ku mugabane w’Afurika, inagaragaza ko iri terambere hari ibibazo bimwe na bimwe byiganje ku mugabane wa Afurika ridashobora gukemura.

Icyakora, ku bihugu bifite umuvuduko mwinshi w’iterambere, ntawahakana ko ubwiyongere bwa GDP bushobora kuba igikoresho gikomeye mu kugabanya ubukene no kugabanya ubusumbane mu by’ubukungu n’inyungu abantu binjiza.

N’ubwo iterambere ridahita rikuraho ubusumbane, rishobora gufasha mu kubugabanya ndetse bigashoboka ko abaturage bagira umutungo uringaniye, ariko ibi bishoboka gusa iyo bihujwe na politiki nziza.

Nk’uko tubikesha Raporo ya Africa Pulse, dore ibihugu 10 biza ku isonga muri Afurika mu kugira umuvuduko mu bwiyongere bw’umusaruro mbumbe (GDP) muri 2025.