Iyi ndirimbo yamaze kugera ahagaragara ikomeje kwakirwa neza n’abakunzi ba Horebu Choir, ndetse n’abandi bakunda indirimbo zo kuramya no guhimbaza Imana. Ni indirimbo nziza ihamya ko nta muntu n'umwe Imana itabababarira.
Korali
Horebu yashimiye abakunzi bayo badahwema kugaragaza urukundo n’ubufatanye mu
bikorwa byabo, babasaba gukomeza kuba hafi yabo, cyane cyane babasura ku mbuga
nkoranyambaga bakoresha.
Baragira bati:
“Turabashimiye uko bakira ibikorwa byacu. Umurimo uracyari mugari, bakomeze
badushyigikire ndetse byisumbuyeho; basura imbuga nkoranyambaga zacu: YouTube,
Instagram, Facebook ndetse na TikTok. Turabakunda cyane.”
Korali
Horebu isaba buri wese kuyumva no kuyisangiza abandi kugira ngo ubutumwa
buyirimo bugere kure, no gukomeza kubashyigikira mu buryo bwose mu rwego rwo
gukomeza kwagura ubwami bw'Imana.
Iyi korali yavutse mu 1988, ivukira mu muryango w'umuririmbyi umwe wo muri iyi Korali. Icyo gihe iyi Korali yari igizwe n'ababyeyi n'abana, ariko nyuma yaje kwaguka.
Mu bikorwa byunganira ivugabutumwa mu ndirimbo, iyi Korali ikora
ibikorwa bitandukanye by'urukundo birimo gufasha abatishoboye ihereye ku
baririmbyi bayo, kandi igashyingira abakoze ubukwe mu buryo bwiza, ndetse
igatanga mituweli ku batazifite.
Horebu Choir ADEPR Kimihurura bakoze mu nganzo bamamaza imbabazi z'Imana zitarondoreka
REBA HANO INDIRIMBO "UWARI IKIVUME" YA KORALI HOREBU