Uyu mutoza yayisezeyeho kuri uyu wa Mbere nyuma y'uko ku munsi w'ejo iyi kipe y'akarere ka Bugesera yari yatsinzwe na Rutsiro FC ibitego 4-2 mu mukino wo ku munsi wa 24 wa shampiyona y'icyiciro cya mbere mu Rwanda.
Haringingo wari warageze muri Bugesera FC mu kwezi kwa 11 mu 2023 asimbuye Eric Nshimiyimana wari wirukanywe, yajyanye n'uwari umutoza we w'ungirije,Nduwimana Pablo. Ubwo shampiyona yari igeze hagati uyu mutoza byari byavuzwe ko ashobora kwirukanwa bitewe n'umusaruro nkene gusa birangiye ubuyobozi bwisubiyeho ku mwanzuro bwari bwafashe.
Haringingo Francis asize Bugesera FC mu bibazo byo kumanuka muri shampiyona y'icyiciro cya kabiri aho kuri ubu iri ku mwanya wa 15 n'amanota 24 .
Mu myaka ibiri iheruka iyi kipe yo mu Karere ka Bugesera yagiye irwana no kuzamura bikarangira biyikundiye.
Haringingo yasezeye kuri Bugesera FC