Ibi bifitanye isano n’ikiganiro Panorama cyatambutse icyumweru kimwe mbere y’amatora ya Amerika yo mu 2024, cyerekanye amagambo Donald Trump yavuze abwira abamushyigikiye mbere y’imvururu zabereye ku nyubako ya Capitol mu 2021 zaguyemo abantu batari bacye.
Muri icyo kiganiro, Trump yagaragajwe asaba imbaga ati: “Tuzamanuka tujya ku Capitol, nzaba ndi kumwe namwe, kandi turwanye. Turwanye n’imbaraga.” Icyakora, ayo magambo yari akomowe ku bice bitandukanye by’ijambo ry’uyu mugabo w’imyaka 79, byavuzwe mu bihe bitandukanye bigatandukanywa n’igihe hafi cy’isaha imwe hagati y’igice kimwe n’ikindi.
BBC yasabye imbabazi isobanura ko habaye “ikosa” ariko nta shingiro ry’amategeko ry’uko Trump yaba afite ukuri mu birego bye nk'uko biri mu nkuru ducyesha ikinyamakuru Mirror cyo mu Bwongereza.
Mu gihe iki kibazo gikomeje, Mirror yafashe umwanya igaragaza urutonde rw’abahanzi ba BBC bahembwa amafaranga menshi. Mu kwezi kwa Nyakanga, BBC yashyize ahagaragara umushahara w’ibyamamare byayo bihembwa amafaranga menshi mu mwaka wose.
Harimo impinduka zigaragara ku rutonde rw’abari ku isonga: Gary Lineker, wahoze ari ayobora ikiganiro Match of the Day, yavuye muri BBC uyu mwaka ariko akomeza kuba ku isonga n'umushahara wa £1,350,000, akaba arenga Miliyari 2.5 y'amanyarwanda. Zoe Ball, wahoze ayobora ikiganiro Radio 2 Breakfast Show, umushahara we ni £515,000 nubwo yasimbuwe na Scott Mills.
Alan Shearer uyobora ikiganiro Match of the Day yaje ku mwanya wa gatatu mu bahembwa amafaranga menshi muri BBC mu mwaka, nyuma yo kongererwa umushahara ugereranyije n’uwo yahembwaga umwaka wabanje, bitewe n’uruhare yagize mu gusesengura imikino ya Euro umwaka ushize.
Uyu mugabo wahoze ari icyamamare muri Newcastle United yashoboye gutumbagira mu mushahara we ugera hafi kuri kimwe cya kabiri cya miliyoni y’ama-pound (£440,000) binyuze mu gusesengura imikino muri iryo rushanwa.
Greg James yinjije £425,000, Fiona Bruce na Nick Robinson bahembwa asaga £410,000. Stephen Nolan yakiriye £405,000, Laura Kuenssberg yakira £395,000, Vernon Kay ahembwa £390,000, na Justin Webb ahembwa £365,000. Naga Munchetty na Scott Mills bahembwe hafi £355,000.
Vernon Kay yagaragaye ku rutonde bwa mbere nyuma yo kujya kuri BBC Radio 2, ahembwa £320,000 mu mwaka we wa mbere, naho Huw Edwards, wahoze ari umunyamakuru wa BBC News, yakomeje kuba uwa gatatu kuri uru rutonde n’umushahara wa £475,000.
Ni nyuma y'uko avuye mu kazi muri Nyakanga 2023, nyuma yo gushyirwa ku isonga ry’ibirego n’ibivugwa ku buzima bwe bwite. Uyu rutonde rwerekana amafaranga atangwa n’iyi Televiziyo ku banyamakuru n'ibyamamare byayo, nubwo ikibazo cya Donald Trump gikomeje kugaragara cyane mu itangazamakuru.
Abanyamakuru 12 bahembwa amafaranga menshi kurusha abandi muri BBC:
Gary Lineker – £1,350,000
Zoe Ball – £515,000
Alan Shearer – £440,000
Greg James – £425,000
Fiona Bruce – £410,000
Nick Robinson – £410,000
Stephen Nolan – £405,000
Laura Kuenssberg – £395,000
Vernon Kay – £390,000
Justin Webb – £365,000
Naga Munchetty – £355,000
Scott Mills – £355,000
Gary Lineker ni we uza ku isonga mu bakozi ba BBC bahembwa amafaranga menshi
Alan Shearer waconzeho ruhago ari ku mwanya wa gatatu mu bahembwa menshi muri BBC