Franklin yasubije abamushinje kwiba isaha mu bukwe bwa Davido

Ibi byavuzwe ku mbuga nkoranyambaga ku wa Gatatu, bitangira gukwirakwizwa nyuma y’uko byatangajwe n’urubuga rumwe rwa interineti. 

Franklin yifashishije urubuga rwe rwa X (rwahoze ari Twitter) kugira ngo asubize ayo yise ibinyoma bigamije kuyobya abantu.

Yanditse mu ijoro ryo kuri uyu wa Gatatu tariki 13 Kanama 2025 agira “Namenye amakuru amaze iminsi acicikana ku mbuga nkoranyambaga ampamya icyaha cyo kwiba. Ndashaka gusobanura neza ko ayo makuru ari ibinyoma byambaye ubusa kandi ayobya abantu.”

Asobanura ibyabaye i Miami, Franklin yavuze ko yegerewe n’umugabo witwa Benny amuha igitekerezo cyo kumugurisha isaha. Ati “Nyuma yo kuyisuzuma no kumenya uwari nyirayo mbere, nafashe umwanzuro wo kuyanga kugira ngo nirinde ibibazo bishobora kuza. Ibyo nabimubwiye neza,”

Yakomeje avuga ko mu gihe cy’amasengesho y’ubukwe, Benny yohereje murumuna we kumugezaho indi saha, ari yo yaguze kandi ayishyura yose. Ati “Bitewe n’imirimo myinshi y’ubukwe, nanze gufata izo saha zombi, nambara iyo yanyohereje anyuze kuri murumuna we.”

Franklin yavuze ko nyuma y’ubukwe yahise ava i Miami ajya kwitegura gushyingira mushiki we, ari bwo Benny yamuhamagaye akiri mu ndege amubaza indi saha.

Ati “Ndashaka kuvuga mu buryo bweruye: Sindi umujura. Nta na rimwe nigeze nyiba umuntu. Naguze isaha kandi nyishyura yose kuri Benny.”

Franklin yabivuze yongeraho ko Benny ubwe yari yamaze guhakana ayo makuru mbere y’uko akomeza gukwirakwizwa. Davido wakoze ubukwe na Chioma, nawe yanditse kuri konti ya Twitter, abwira Franklin ‘kutisobanura imbere y’abanyabinyoma.’

IMPORTANT.
I am currently aware of the recent circulation on social media linking my name to an alleged theft. I wish to make it clear that these allegations are completely false and misleading.

Recently, I returned from my dear Friend/sister’s wedding and I am currently…

— Ubi Franklin Ofem (@ubifranklin1) August 13, 2025

You owe nobody any explanation… fools https://t.co/fsrI5IYN8a

— Davido (@davido) August 13, 2025

Franklin yavuze ko atigeze yiba isaha mu bukwe bwa Chioma na Davido bwabaye mu mpera z’icyumweru gishize 

Davido na Chioma bakoreye ubukwe bwiza mu Mujyi wa Miami muri Leta Zunze Ubumwe z’Amerika

REBA AMASHUSHO Y'INDIRIMBO '10 KILO' DAVIDO YASHYIZE HANZE NYUMA Y'UBUKWE BWE NA CHIOMA