InyaRwanda ifite kopi y’ibaruwa ibifite
umutwe ugira uti “Formal reminder regarding contract termination procedures”,
yasinywe na Mugarura Kenny uyobora 1:55 AM Ltd, yibutsa Ross Kana ko itangazo rusange
yashyize kuri konti ye ya Instagram, ku wa 2 Gicurasi 2025, ritanyuze mu nzira
yemewe n’amategeko, ndetse ko rigomba gusimburwa n’ibarwa/ibaruwa yanditse
igaragaza neza impamvu ashaka gusesa amasezerano hashingiwe ku ngingo
ibikwiriye mu masezerano yasinywe.
Iyi baruwa ishimangira ko Ross Kana
akiri umuhanzi wa Label ya 1:55 AM. Bagira bati “Turifuza kubibutsa mu buryo
bwubaha ko amasezerano y’ubuyobozi mwashyizeho umukono agifite agaciro
k’amategeko, kandi ko ateganya uburyo bwihariye bwo gusesa ayo masezerano.
Itangazo rusange ntabwo rihagije mu mategeko.”
Ubuyobozi bwa 1:55 AM Ltd
bwagaragaje ko impande zombi zifite inshingano zo kubahiriza ibikubiye mu
masezerano, harimo no kwishyura amafaranga kompanyi yaba yarashoye mu ruganda
rwa Ross Kana, ndetse no gusubiza imitungo cyangwa umutungo bwite w’ubwenge
(intellectual property) wa kompanyi “waba ugifite.”
Iri tangazo rije mu gihe hari
ibimenyetso byerekana ko Ross Kana ashobora kuba atishimiye uburyo yakoranye na
1:55 AM, gusa kompanyi yo yatangaje ko igifunguye ku biganiro by’amahoro, ariko
igasaba ko ibyo gutandukana byubahiriza amategeko n’amasezerano yasinywe.
Ross Kana yari umwe mu bahanzi bari
bagize Label ya 1:55 AM imaze igihe ishyira imbere ibikorwa by’abahanzi nka
Bruce Melodie, Kenny Sol, Element n’abandi.
Uyu muhanzi yari amaze umwaka n’amezi
atanu gusa asinyanye amasezerano n’iyi kompanyi, ibintu byahaye icyizere
abakunzi be ko agiye kugira intambwe ikomeye mu muziki.
Ariko mu ibaruwa ye yo ku wa 2
Gicurasi 2025, yavuze ko iriya Label itubahirije ibyo yamugombaga. Yavuze ati “Nsezeye
muri 1:55 AM guhera ubu nyine, kubera ko batubahirije ibyo twari twarasezeranye.
Ibyo twari twumvikanyeho ntibyakozwe, kandi byatumye ibyo nari niteze
nk’umuhanzi bitagerwaho.”
Ross Kana yashimiye inkunga yahawe
mu gihe bakoranye, ariko avuga ko yafashe icyemezo cyo gushaka andi mahirwe
amufasha kugera ku nzozi ze nk’umuhanzi, kandi yifuriza 1:55 AM gukomeza gukora
neza mu guteza imbere abahanzi.
Uyu muhanzi yinjiye muri 1:55 AM mu
ntangiriro za 2024, aho indirimbo ye ya mbere yise ‘Sesa’ yasohotse ku wa 2
Gashyantare 2024. Ni yo yatumye abantu benshi batangira kumumenya nk’umuhanzi
mushya witezweho byinshi. Nyuma yayo, yakoze indi ndirimbo yise ‘Mami’, ariko
ntihigeze hakurikiraho indi mishinga myinshi nk’uko byari byitezwe.
1: 55 AM yashinje Ross Kana gusezera
yifashishije konti ya Instagram, aho kubamenyesha mu buryo bukurikije amategeko
Ku wa 2 Gicurasi 2025, nibwo Ross
Kana yatangaje ko yasezeye muri 1:55 AM