Ku Cyumweru tariki ya 23 Ugushyingo 2025 ninjoro,
hacaracaye amashusho ku mbuga nkoranyambaga y’igitego Cristiano Ronaldo yari
amaze gutsindira ikipe ye ya Al Nassr mu mukino batsinzemo Al-Khaleej ibitego
4-1 muri shampiyona. Iki gitego uyu
mukinnyi w’imyaka 40 yagitsinze ari mu kirere nyuma yo kwihindukiza ibwizwi nka ‘Bicycle kick’.
Iki gitego cyahise kiba icya 954 amaze gutsinda mu
buzima bwe bwose bw’umupira w’amaguru aho ari mu rugendo rwo gushaka ibitego
1000.
Nyuma y’ibi abantu babyukiye ku mibare ya Lionel Messi w’imyaka
38 yakoze mu rukerera rwo kuri uyu wa Mbere ubwo Inter Miami yanyagiraga Cincitinnati FC ibitego
4-0 igahita igera ku mukino wa nyuma wo
mu gace ko mu Burasirazuba muri Major League Soccer aho izakina na New York
City FC.
Muri uyu mukino yatsinzemo igitego kimwe anatanga
umupira wavuyemo igitego. Kugeza ubu Lionel Messi mu mateka y’umupira w’amaguru ni we
umaze kugira uruhare mu bitego byinshi aho amaze kurugira mu bitego 1300. Amaze gutsinda ibitego 896 ndetse yanatanze imipira 404 yabivuyemo.
Ni mu gihe Cristiano Ronaldo we amaze kugira uruhare mu bitego 1258 aho yatanze imipira 304 yavuyemo ibitego naho atsinda ibitego 954.
Cristiano Ronaldo yatsinze igitego cyavugishije benshi 
Lionel Messi yujuje ibitego 1300 yagizemo uruhare