Ni mu mukino wa nyuma wakinwe kuwa Gatatu saa Tatu kuri Stadion Miejski muri Pologne. Re Betis yo muri Espagne niyo yatangiye neza uyu mukino ifungura amazamu ku munota wa 9 gusa ku gitego cya Abde Ezzalzoudi ahawe umupira na Isco ndetse isoza igice cya mbere iyoboye.
Mu gice cya kabiri ikipe ya Chelsea yaje ihindura ibintu ubundi ku munota wa 65 Enzo Fernandes atsinda icya mbere ahawe umupira na Cole Palmer. Ku wa 70 Nicolas Jackson yatsinze igitego cya kabiri ahawe umupira na Cole Palmer, ku wa 83 Jadon Sancho atsinda icya 3 naho ku wa 90+1 Moises Caisedo atsinda icya kane ubundi umukino urangira ari bine 4-1.
Chelsea nyuma yo gutwara iki gikombe cya UEFA Conference League yahise yandima amateka yo kuba ikipe ya mbere mu mateka itwaye ibikombe mu marushanwa ane aruta andi ku Mugabane w’i Burayi ariyo Champions League ibitse inshuro ebyiri, Europa League na Cup Winners’ Cup nabyo ibitse inshuro ebyiri buri kimwe ukongeraho na Confederation Cup yaraye yegukanye.
Iyi kipe itozwa na Enzo Maresca ukomoka mu Butaliyani yatwaye iki gikombe nyuma y'uko yaherukaga gukatisha itike y'imikino ya UEFA Champions League itsinze Nottingham Forest.
Chelsea yegukanye igikombe cya UEFA Conference League
Byari ibyishimo ku bakinnyi ba Chelsea