Ibi byatangajwe n’ishyirahamwe ry’umupira w’amaguru mu Rwanda, FERWAFA. Itangazo ryashyizwe kuri uyu wa Gatatu tariki ya 19 Ugushyingo 2025, riragira riti: "Inama ya Komite Nyobozi ya CAF (CAF Excom) yateranye uyu munsi, yemeje ko amakipe yo muri Sudani, Al Hilal Omdurman na Al-Merrikh azakina muri Rwanda Premier League 2025/2026”.
Ubwo habaga Inteko Rusange n'abanyamuryango bayo tariki ya 15 Ugushyingo 2025, Umuyobozi Mukuru wa Rwanda Premier League, Jules Karangwa, yemeje ko muri iki Cyumweru turimo CAF iri bubihe umugisha, aya makipe akemererwa gukina.
Yagize ati: "Imirimo yacu na FERWAFA twagombaga gukora twarayikoze, umupira uri mu biganza bya CAF. Nkurikije ibiri kuganirwaho hagati y'impande bireba, ndatekereza ko iki Cyumweru biri bukunde amakipe akemezwa."
Amakuru InyaRwanda yamenye ni uko muri iki Cyumweru harasohoka Ingengabihe Nshya ivuguruye irimo n'imikino aya makipe azakina.
Itangaza rya FERWAFA ryemeza ko aya Al Hilal na Al Merrikh zemerewe gukina Rwanda Premier League